پیلانەکا ناتۆ ل دژی رۆسیا ئاشکرا دبیت
بەرپرسەکێ وەزارەتا بەرگریێ یا ئەلمانیا دیار کریە، نها پتر ژ هەر دەمەکێ مەترسیا شەڕەکێ مەزن د ناڤبەرا ئۆرۆپا و رۆسیا دا هەیە، چونکی رۆسیا نەڤێت شەڕێ ل گەل ئۆکرانیایێ بدەتە راگرتن و ب فەرمانا پۆتین رۆژانە ژی هێزێن رۆسیا ئێرشێن دژوار دبەنە سەر ئۆکرانیایێ و رۆسیا دڤێت گەلەک دەڤەرێن دی یێن ستراتیژی ل ئۆکرانیایێ داگیر بکەت، ئەو یەک ژی نیشا ددەت مەترسی ل سەر وەلاتێن ئێکەتیا ئۆرۆپا ب تایبەتی ژی ل سەر ئەلمانیا یا هەی.
هەمان بەرپرسی ئەو یەک ژی دیار کریە، ئەلمانیا و وەلاتێن دی یێن ناتۆ نها بەرهەڤیان دکەن و هەکە رەوش وەسا بەردەوام بیت دێ ناتۆ هێزەکا مەزن یا سەربازی کو دبیت نێزیکی ٨٠٠ هزار سەربازان بیت ل گەل چەکێن گران ل سەر سنۆرێ رۆسیا بجه بکەت، نها ل دۆر ڤێ یەکێ کار دهێتە کرن و د دەمەکێ گونجای دا دێ یا پێدڤی ل دژی رۆسیا هێتە کرن.