یاریێن ڤێ گەڕێ ئێكلاكەرن بۆ مۆندیالێ
بڕیارە ئەڤرۆ كۆمەكا یاریێن ڤەبر و ئێكلاكەر یێن ڤاڤارتنێن دەربازبوونێ بۆ مۆندیالا جیهانی 2025ێ ژ چارچووڤەیێن گەرێن نەهێ و پێش دووماهیێ، ل كێشوەرێ ئۆرۆپا شەڕێ دووماهیێ دناڤبەرا چەند چەمسەرێن وێ ماینە و دێ ئێكلاكەربن, ئەوا بڕیارە ئەڤرۆ هەتا شەمبییا بهێت زنجیرا یارییان بەردەوامبن.
سەرجەمێ گشتی 12 كۆمن دهندەك كۆمان دا چار هەلبژارتینە و هندەك ژی پێنجن، هەتا ئەڤرۆ ژی بتنێ ئێك هەلبژارتیێ ئنگلتەرا ژ كێشوەرێ ئۆرۆپا دەربازبوونا خوە یا مسۆگەر بۆ مۆندیالێ ئێكلاكریە ئەوا بڕیارە ل ناڤەڕاستا سالا 2026ێ ل هەرسێ ولاتێن ئەمریكا، كەنەدا و مەكسیك بهێنە ئەنجامدان.
دەربازبوونا ئنگلتەرا هاتیە پشتی شیایی د كۆما 11ێ دا سەرێ لیستێ بهێت ب 18 خالان، د یاریێن ڤێ گەڕێ دا دهێتە چاڤەڕێ كرن 11 هەلبژارتیێن ئۆرۆپا پلێتا دەربازبوونێ وەربگرن و بڕیارە ل ئادارا سالا بهێت چار هەلبژارتیێن مایی ژی پلێتا دەربازبوونێ وەربگرن، ئەوا بڕیارە بۆ جارا ئێكێ یە ددیرۆكا مۆندیالێ دا 48 هەلبژارت دێ پشكداربن ژوانا 16 هەلبژارتیێن ئۆرۆپانە كو هەلبژارتیێن سەرێ لیستێ یێن هەر12 كۆمان ئێكسەر دەربازبن و خودانێن ڕێزێن دویێ دێ یاریێن ڤەبر بۆ چار پلێتێن مایی كەن.
یاریێن ئەڤرۆ
كۆما چارێ، ئازەربێجان- ئایسلەندا، دەمژمێر هەشتی شەڤ، فرەنسا- ئوكراینا، دەمژمێر 10ی شەڤ.
كۆما شەشێ: ئەرمینیا- هنگاریا، دەمژمێر هەشتی شەڤ، ئیرلەندا- پۆرتۆگال، دەمژمێر 10ێ شەڤ.
كۆما نەهێ: نەرویج- ئیستۆنیا، هەشتی شەڤ، مۆلدۆڤیا- ئیتالیا، 10ی شەڤ هێتە كرن.
كۆما 11ێ: ئاندۆرا- ئالبانیا، ئنگلتەرا- سربی، هەردو یاری ل 10 شەڤ هێنە كرن.
یاریێن سوبەهی ئەینی.
كۆما حەفتێ: فنلندا- مالتا، هەشتی شەڤ، پۆلەندا- هۆلەندا 10 شەڤ هێنە كرن.
كۆما ئێكێ: لۆكسمبۆرگ- ئەلمانیا، هەشتی شەڤ، پۆلەندا- هۆلەندا 10ی شەڤ هێنە كرن.
كۆما 12ێ: كرواتیا-گزیرتێن ڤارۆ، دەمژمێر هەشتی شەڤ، جەبەل تارق- مۆنتێنێگرۆ، 10 شەڤ.
یاریێن رۆژا شەمبی
كۆما 10ێ: كازاخستان- بەلجیكا، پێنجێ ئێڤاری، لیشتنشتاین- وێلز دەمژمێر هەشتی شەڤ.
كۆما پێنجێ: جورجیا- ئسپانیا، دەمژمیرهەشتی شەڤ، توركیا بولگاریا، ل دەمژمێر هەشتی شەڤ.
كۆما هەشتێ: قوبرس- نەمسا، دەمژمێر هەشتی شەڤ، بۆسنە وهێرشك- رۆمانیا، ل 10ی شەڤ.
كۆما دویێ: سلۆڤینیا- كۆسۆڤۆ، سویسرا- سوید، هەردو یاری دەمژمێر 10:45 شەڤ هێنە كرن.
كۆما سێیێ: دانیمارك- بیلارۆسیا، یونانستان- ئیسكتلەندا، هەردو یاری ل 10:45 شەڤ هێنە كرن.
ئەڤرۆ یارییا ئیراقێ یە
بڕیارە هەر ئەڤرۆ ل دەمژمێر حەفتی شەڤ هەلبژارتیێ ئیراقێ یارییا خوە یا ئێكێ ژ چارچووڤەیێ یاریێن هاتن و چوون یێن ڤاڤارتنان دگەل هەلبژارتیێ ئیماراتێ بكەت ئەوا دێ ل یاریگەها محەمەد بن زائید بیت، یارییا دویێ دێ ل 18ێ ڤێ مەهێ ل یاریگەها بەسرا یا نێڤدەولەتی هێتە كرن، سەركەڤتیێ هەردو یارییان دێ دەربازبیتە پاشكۆیێ جیهانی یێ مۆندیالێ كو د وێ قووناغێ دا دێ شەش هەلبژارتی ژ هەر كێشوەرەكی پشكدارن ئەوا دێ ئەڤ قووناغە ب شێوەیێ خول هەردو یانەیێن ئێكێ و دویێ دێ دەربازبنە مۆندیالا جیهانی.
ئەو هەلبژارتیێن دەربازبوونا خوە مسۆگەری
هەتا بەری دەستپێكرنا یاریێن ئەڤ شەڤە 28 هەلبژارتییان دەربازبوونا خوە بۆ مۆندیالا جیهانی مسۆگەر كرییە و بڤی شێوەیی.
كێشوەرێ ئۆرۆپا، ئنگلتەرا.
كێشوەرێ ئاسیا، ئوسترالیا، ئیران، چاپان، ئوردن، كوریا باشۆر، قەتەر، سعودیە، ئوزپاكستان.
كێشوەرێ ئەفریقیا: جەزائیر، كاپ فێردی، كۆتیفۆار، مسر، غانا، مەغرب، سینیگال، باشۆرێ ئەفریقیا، تۆنس.
كێشوەرێ ئەمریكا باشۆر: ئەرجەنتین، بەرازیل، كۆلۆمپیا، ئیكۆادۆر، باراگۆایی، ئۆرۆگۆای.
كێشوەرێ ئۆقیانۆسێ: نیۆزیلەندا، دگەل هەرسێ وەلاتێن مێڤاندار كەنەدا، مەكسیك و ئەمریكا.
