مەلەڤانەكێ كوردستانی ڕیكۆردەكا نوو تۆماركر
قەیس وەیس:
ئەمیر موتاعی یاریزانێ كوردستانی یێ رۆژهەلاتا كوردستانێ شیا دو ڕیكۆردا د یارییا مەلەڤانییان دا ب شكێنیت پشتی شیایی د بەریكانەیا 200م مەلەڤانییا ل سەر سێنگی دیسان بۆ بەریكانەیا 100م هەمان شێوە ڕێزا ئێكێ بهێت و كێمترین چركەیان تۆماربكەت، د هەڤڕكیێن قارەمانییا كۆپا نۆتێلۆس یا نێڤدەولەتی ئەوا نوكە هەڤڕكیێن وێ ل وەلاتێ عومان بەردەوامن و قارەمانییا كۆپا ئازادیێ ئەوا ل حەفتییا بۆری ل ئیرانێ هاتییە كرن.
یاریزانێ كوردستانی شیا ب درێژاهییا 200م دو خولەك، 17 چركە و 35 پشك ژ چركەكێ بینیت و ڕیكۆردا وەلاتێ خوە ئیرانێ بشكێنیت ئەوا پێشتر ب دو خولەك، 29چركە و 33 پشك ژ چركەكێ هاتبوو تۆماركر كو دبیتە ئێكەم یاریزانێ كوردستانی و هەلبژارتیێ ئیرانێ بگەهیتە ڤێ نمرێ.
ل حەفتییا بۆری ئەمیر موتاعی شیابوو ریكۆردەكا دی تۆماربكەت بۆ بەریكانەیا 100م ل سەر سنگی بۆ پێشكەڤتیان، پشتی ڕێزا ئێكێ هاتی ب ئێك خولەك، دو چركە و 12 پشك ژ چركەكێ و ڕیكۆردا هەڤالێ خوە محەمەدعەلی ریزا بشكێمین ئەوێ جوواهییا وان بتنێ د پشكێن چرك ادا بوو، د هەڤڕكیێن قارەمانیێ دا ئەوا ل پایتەختێ ئیراقێ تەهران بپشكدارییا 800 مەلەڤانێن ڤێ یاریێ بۆ ژیێن جودا هاتبوو كرن.
