د. هاریوان عابد: پلانا مە دەربازبوونا سێمێلێ یە بۆ نایابا كوردستانێ
شاهۆ فەرید:
د داخویانیەكێ دا سەرۆكێ یانەیا سێمێلێ بۆ رۆژنامەیا دیار كر بۆ وەرزێ نوو یێ ئەڤ سالە تیما وان یا فوتبۆلێ بەرهەڤیێن باش كرینە و ئارمانج ژی دەربازبوونا تیمێ یە ژ خولا پلا ئێكا كوردستانێ بۆن ایاب و گەشبینن بۆ گەهشتنا هیڤیێن خوە و جەماوەری.
زێدەتر د. هاریۆان عابد گۆت: ل گورەیی شیانێن خوە یێن دارایی مە تیمەكا ب هێز بەرهەڤكریە هەر ژ دەستەكا راهێنەران و چەندین یاریزانێن خودان شیان مەرەم ژی بشێن هەڤڕكیا ڕێزێن ئێكێ و دویێ یێن خولێ بكەین و پلێتا دەربازبوونا نایابا كوردستانێ وەربگرین، ستافێ راهێنەران سەربوورێن باش هەنە دناڤا خولێن كوردستانێ و ئیراقێ دا چەندین تیم ژ خولێن جودا سەرئێخستینە، چەند یاریزان مە ئینابوون و هندەك ژی راهێنەری داخوازكرینە بۆ رێزێن تیمێ، مە هەموو هەلبژارتن بۆ ژێگرتنا یاریزانان داینە دەستەكا راهینەری و ئەوان كارێ خوە دەستپێكریە بۆ هێزكرنا تیمێ و ئاستێ یاریزانان و ژێگرتنا یێن هەرەباش.
سەرۆكێ یانەیا سێمێلێ گۆت: ئارمانجامە یا سەرەكی ئەوە ئەنجام و ئاستێ باش نیشانبدەین بۆ خوەشكرنا دلێ جەماوەری خەونا وانا بكەینە راستی دوبارە ڤەگەرینە پلا نایاب ئەوا ئەڤە چەندین سالە بێ هیڤی بووینە، سۆپاسیا لەقا ئێك دكەین كو بۆ رێكخوەشكەر كۆمپانیەكا بناڤ و دەنك وەكۆ كاڤین گرۆپ ببیتە پالپشت و هاریكاریا مەیا دارایی و رێژەكا هەرە باش یا كێشەێن مە چارەسەركرینە و رێژا مایی دێ رێكێن خوە چارەسەركەین، ئەڤی وەرزی سوزێ دەینە جەماوەریی تیمەكا جێواز و هێز دێ بینن ژلایێ ئاست و ئەنجامان.
