دەم پارتی: دڤێت یاسایێن پێدڤی بهێنە ئامادەکرن
هەڤسەرۆکێ دەم پارتی دیار کر، پێنگاڤا ئێکێ یا قووناغا ئاشتیێ ب رەنگەکێ باش ب دووماهی هات و نها رەوشەکا نوو هاتیە پێش، گرنگە کۆمسیۆنا ئاشتیێ سەرەدانا ئیمرالیێ بکەت و هەروەسا دڤێت بلەز پرۆژە یاسایێن پێدڤی بۆ گوهۆڕینان ژی بهێنە ئامادە کرن و پەرلەمانێ تورکیا ژی بریارێن پێدڤی بدەت، چونکی هەتا گوهۆڕینێن سیاسی و قانوونی نەهێنە کرن زەحمەتە بەحسێ سەرکەفتنا قووناغا ئاشتیێ ل تورکیا بهێتە کرن.
ل دۆر بریارا دادگەها مافێن مرۆڤی یا سەبارەت ب دەمیرتاشی ژی تونجەر باکرهان دیار کر، بریارا دادگەها مافێن مرۆڤی یا ئۆرۆپا گەلەک زەلالە، نزانم هەتا نها بۆچی بریارا ئازادکرنا دەمیرتاشی نەهاتیە دان، گرنگە د زووترین دەم دا دەمیرتاش و هەڤالێن وی بهێنە ئازاد کرن، هەروەسا دڤێت ئێدی گرتیێن سیاسی یێن کورد ژی بهێنە ئازاد کرن، هەکە نها کارەک وەسا بهێتە کرن دێ بیتە دەستپێکەکا گەلەک باش، لێ مخابن هەتا نها پێنگاڤێن دلخوەشکەر ژ ئالیێ دەولەتێ ڤە نەهاتینە ئاڤێتن.
