ب دەستڤەئینان و دەربازکرنا پارتی دیموكراتی كوردستان ژ ئێك ملیۆن دەنگان
سەفەر عمەر ساركی
بدوماهیهاتنا هەوا هەلبژارتنێن ئەنجوومەنێ نوونەرێن ئیراقا فیدرال، تێدا پارتی جارەكا دی شیایە داستانەكا نویی بوو گەلێ كوردستانێ تۆماربكەت و لدویڤ ئەوێ سیاسەتا حەكیمانە یا ژلایێ سەرۆك بارزانی و سەركردایەتیا پارتی و جەماوەرێ پارتی ژبۆ پرۆسێسا هەلبژارتنان ئەنجامدای، ئەڤرۆكە هەڤوەلاتیێن هەرێما كوردستانێ ب دەنگێ خۆ یێ دلێرانە بۆ هەمی جیهانێ و ب تایبەتی ئیراقیا فیدرال و رۆژهەلاتا ناڤەراست سەلماند كو هەكە پارتی بهێز بیت قەوارەیێ سیاسیێ هەرێماكوردستانێ ب هێزە، لەوانێ ئەڤ چەندە دبیتە ئەگەر كو پێگەهێ كوردستانێ ل ئیراقێ بهێز بهێلیت و ب هەبوونا ئەڤێ سەركەفتنێ پارتی پەیامەكا رۆن و ئاشكرا هنارتە ئیراقێ كو هەرێما كوردستانێ ب هەستێ كوردایەتی و دیموكراسی ل سەر بنیاتەكێ گەشتر پاشەرۆژا خۆ دیاركریە، د چارچووڤەیێ ئەوێ سەركەفتنا پارتی تۆماركری كو شیایە پتر ژ ئێك ملیۆن دەنگان بدەستڤەبینیت و ئەڤجارە پارتی ب سێ پەیڤێن كاریگەر شیایە پەیاما خۆ یا سیاسی و یاسای و دیموكراسی ب رۆن و ئاشكرای ئاراستەیی دەستهەلاتداریا ئیراقێ بكەت دا كۆ ب رێكا ئەڤی درووشمی هەڤسەنگی، هەڤپشكی، لهەڤكرن) هەمی كێشە بهێنە چارەسەركرن، ئەڤ درووشمە دبیتە ئەگەرێ هندی پارتی هەول بدەت جارەكا دی ناڤەرۆكەكا ستراتیژی پێشكێشی سیستەمێ فیدرالیەتا ئیراقێ بكەت و ببیتە ئەگەری چارەسەركرنا هەمی ئاریشەیێن یاسایی و دەستووری، ژبەركو ل سالا (2005) دەستوورل ئیراقێ هاتیەدانان و ئەڤە دبیتە پێنگاڤا دەستپێكێ بوو بۆ چارەسەركرنا هەمی ئاریشە و پرسگرێكێن كەفتینە د ناڤ جەرگێ ئیراقێ دا و ئەڤە پتر ژ (20) سالایە دەستهەلاتدارێن ئیراقێ پشێلكاریێ بەرانبەری جێبەجێكرنا یاسا و بڕگەیێن دەستوورێ فیدرالی دكەن و بەر ب جێبەجێكرنا سیستەمێ ناڤەندی ڤە دچن و ئەڤ چەندە بوویە مەزنترین ئاریشە د ناڤبەرا هەولێر و بەغدا دا.
ئەو سەركەفتنا ئەڤ جارە پارتی ب دەستخۆڤەئینایی بوو هەمی پارت و لایەنێن سیاسیێن هەرێما كوردستانێ و ئیراقێ ب سەركەفتنەكا شۆكهێنەر هاتە دیاركرن، چونكی ئەڤ سەركەفتنە بۆ پارتی ب دەستكەفتەكا مێژووی دهێتە هژمارتن داكو پتر داكۆكیێ ل جێبەجێكرنا پەیاما بەرپرسیارەتیا نەتەوەیی و نیشتیمانی و دەرفەتەكا خۆ نویبوونەڤە و راگەهاندنا پاشەرۆژەكا گەش پێشكێشی هەمی هەڤوەلاتێن هەرێما كوردستانێ و ئیراقی بهێتەكرن و پتركاربكەن ل سەر بجه ئینانا یاسایێن دەستووری و چەسپاندنا پەیامەكا رەواتر بوو سیستەمێ فیدرالی ل ئیراقێ و ئەڤ سەركەفتنە دێ بیتە ئەگەرێ راستەڤەكرنا پرۆسێسا سیاسی و یاسایی ل ئیراقێ و دبیتە پێنگاڤەكا زۆرگرنگ بوو چارەسەركرنا ئەوان گرفتێن كو هەتا نوكە نەشیانە ب رێكا دەستوورێ فیدرالی بهێنە چارەسەركرن جونكی پارتی هەتا ب رێكا ئەوی دروشمێ بو پرۆ پاگندەیا هەلبژارتنان هاتیە دیاركرن كو پەیامەكا گرنگ هاتیە ئاراستەكرن بۆ دەستهەلاتا ئیراقێ ژبۆ چارەسەركرنا ئەوان ئاریشەیان كو هەتا نوكە نەشیانە چارەسەر بكەن ژ وان (دامەزراندنا ئەنجوومەنێ فیدرالی – دەركەفتن و پەسەندكرنا یاسایا نەفت و گازێ- جێبەجێكرنا یاسایا ماددێ 140 – چارەسەرنەكرنا پرسا بودجەیا هەرێما كوردستانێ – دابین نەكرنا مووچە و پێدڤیێن هێزێن پێشمەرگەیی) چەندین كارێن دی ێن حەتا نوكە كێشە ل سەرنەهاتینە چارەكرن دڤێت بریارەكا دروست و باوەر پێكری سەر بهێتە دان پاشان حكومەت بهێتە پێكئینان، دوبارە پیرۆزباهێ ل هەمی دلسۆز و لایەنگرو وەفادارێن پارتیی و هەمی خەلكێ كوردستانی دكەین ب هەلكەفتا سەركەفتنا پارتی دیموكراتی كوردستان كو شیایە ب باوەریا گەلێ كوردستانێ ببیتە پارتا ملیۆنی.
