كچەكا كوردستانی میدالییا زێڕی ب دەستڤە ئینا
قەیس وەیس:
كچە یاریزانا كوردستانی و هەلبژارتییا ئیراقێ بۆ یارییا كاراتێ ئاتۆسا گلشادنژاد ڕێزا ئێكێ د قارەمانییا یاریێن تەزامنا ئیسلامی یا نێڤدەولەتی ب دەستڤە ئینا ئەوا نوكە هەڤڕكیێن وێ ل سعۆدیێ د هێنە كرن.
ئاتۆسا گلشادنژاد كچا باژێرێ كرمانشاهێ شیا د یارییا دووماهیێ دا بۆ كێشا 61كم ڕێزا ئێكێ بهێت پشتی شیایی ب سەركەڤیت ل سەر یاریزانا تونسی وەفا مەحجوب ب ئەنجامێ 7-4 خالان و ببیتە خودانا میدالییا زێری ل سەر ئاستێ كچان، گەهشتنا وێ بۆ یارییا دووماهیێ هات پشتی د قووناغا ئێكێ دا ل سەر یا نێجری رۆمائوو رۆماناتوا، دپێش دووماهیێ دا لسەر یا سعودیێ مەلەك ئەلخالدی و دەربازبوو یارییا دووماهیێ.
هەژی گۆتنێ یە قارەمانییا یاریێن تەزامن یا ئیسلامی ل پایتەختێ سعۆدیێ ریاز ب پشكدارییا 3500 وەرزشڤانان ژ 57 وەلاتان هەر شەشێ هەتا 20ێ ڤێ مەهێ بەردەوامە.
