ئەڤرۆ ئیراق د یارییەكا چارەنڤیس دایە
چاڤەڕێ دهێتە كرن ئەڤرۆ ل دەمژمێر حەفتی شەڤ هەلبژارتیێ ئیراقێ ل یاریگەها بەسرا یا نێڤدەولەتی مێڤاندارییا هەلبژارتیێ ئیماراتێ بكەت د یارییەكا ئێكلاكەر دا ئەوا دێ ژ چارچووڤەیێ یاریێن هاتن و چوون یێن ڤاڤارتنێن دەربازبوون بۆ قووناغا دووماهیێ یا ڤاڤارتنێن مۆندیالا جیهانی 2026ێ، دهێتە پێشبینیكرن ڕێژەیەكا ئێكجار مەزن ژ پشتەڤانان بەرهەڤبیت.
د یارییا ئێكێ دا ئەوا ل 13ێ ڤێ مەهێ ل ئیماراتێ هاتییە كرن، هەردو هەلبژارتی ب گۆلەكێ وەكهەڤ بوون، د ڤێ یاریێ دا هەر تیمەكا ب سەركەڤیت دێ پلێتا دەربازبوونێ بۆ قووناغا دووماهیێ وەرگریت، هەكە یاری ب چ ئەنجام ژی وەكهەڤی بوو دێ بەر ب دەمێ زێدەكری یێ یاریێ چیت هەتا بگەهیتە پەنەلتییان ژبۆ ئێكلاكرنا پلێتا دەربازبوونێ.
بۆ زانین شەش یاریزانێن كوردستانی دگەل هەلبژارتیێ ئیراقێ نە ئەو ژی هەر ئێك ژ شێركۆ كەریم و ئۆسامە ڕەشید ژ یانەیا زاخۆ، ئاكام هاشم- یانەیا زەورا، یوسف ئەمین- وەحدە یا سعۆدیێ، مێرخاس غازی دۆسكی- فیكتۆریا بلزن یا چیكی، ماركۆ فەرەج- سترۆمسگۆدست یا نەورۆجی.
هەژی گۆتنێ یە د قووناغا بهێت و یا دووماهیێ دا دێ شەش هەلبژارتی ژ هەر كێشوەرەكی پشكدارن ئەوا دێ ئەڤ قووناغە ب شێوەیێ خول هەردو هەلبژارتیێن ئێكێ و دویێ دێ دەربازبنە مۆندیالا جیهانی.
