ئومێد ئەحمەدی ئەگەرێن گیرۆبوونا بەرهەڤیێن تیما تەناهیێ دیاركرن
شاهۆ فەرید:
د داخویانیەكا تایبەت دا ئومێد ئەحمەد راهێنەرێ تیما فوتبۆلا یانەیا تەناهی دیار كر بۆ وەرزێ نووی ێ خولا پلا ئێكا كوردستانێ بەرهەڤیێن مە گیرۆبوون لێ لدووڤ بەرنامەكێ تایبەت ئەم یێ كار دكەین پێخەمەت باشترین بەرهەڤی بەری دەستپێكرنا خولێ.
زێدەتر ناڤهاتی بۆ رۆژنامەیا ئەڤرۆ گۆت: بۆ ماوەیێ دو وەرزانێن بۆری وەكو هاریكارێ راهینەرێ تیمێ بووم لێ بۆ ئەڤی وەرزی ئەركێ من گرانتر لێهات و بوویمە ڕاهێنەرێ ئێكێ یێ تیمێ، سوپاسیا كارگێریا یانەیێ دكەین كۆ باوەری دایە مە، دێ هەموو بزاڤان كەین ببنە جهێ وێ باوەریێ و ئاست و ئەنجامێن باش ب دەستڤە بینن و جەماوەرێ تیمێ ژی دلخوەشبكەین پێنەڤێت ئەڤە ژی ب هەڤكارییا كۆم یا مە هەموویان.
ئۆمێد ئەحمەد ی گۆت ژی: هەرچەندە هەتا رادەكێ كێم مە بەرهەڤی كرینە و هێشتا دەم ژی یێ مایی، لێ مە هیڤیێن باش هەنە ئەگەر ژی بۆ چەندین ئاریشێن یانەیێ ڤەدگەریت، ئەڤ وەرزی پلانا مە ئەوە تیمەكا باش بۆ هەڤركیێ بەرهەڤبكەین، چۆنكو پلە ئێك هەڤركیا وێ زەحمەتە، یاریزانێن پێشەكار پێدڤی نە وان ڤالاهیا پێ پربكەین، ژبەر بارێ دارایی تنێ دشێم سۆزا تیمەكا باش و یاریەكا جوان بدەم و سەرئێخستنا یاریزانان بۆ هەڤركیێ بكەین.
زێدەتر ناڤهاتی گۆت ژی: ئەم ستافەكێ گەنجین و شێوازیێ یاریامە یێ سەردەمیانەیە و دێ باش كاركەین لسەر یاریزانان، من باوەریی یاریزانان هەیە بۆ ماوەكێ درێژە ل گەل یانێ و ئەو یاریزانێن گەنجێن مە زێدەكرین دی بەر ب باشبوونی بەت و نەمانا ڤالاهیان دێ پتر كنترولێ كەین و دوورنابینن هەڤركێن هێز بین، داخوازێ جهێن پەیوەندیدار ژی دكەین بۆ یانەیا تەناهی یاریگەهەكێ دورست بكەن ژبەر نەبوونا یاریگەهێ ژی بەرهەڤیێن مە دووركەفتن و گیرۆبوون.
