بەرهەڤین ل گەل ئسرائیلێ دانوستاندنان بکەین
سەرۆک کۆمارێ لوبنانێ دیار کر، ئێرشێن ڤێ دووماهیێ یێ ئسرائیلێ ل سەر دەڤەرێن سنۆری یێن لوبنانێ بووینە مەترسی و ئەو یەک ب چو رەنگەکێ ناهێتە قەبوول کرن، وەکو لوبنان ئەو بەرهەڤن ل ژێر چاڤدێریا ئەمریکا و نەتەوەیێن ئێكگرتی ل گەل ئسرائیلێ دانوستاندنان بکەن و هەموو پرسێن هەی ژی چارەسەر بکەن، گرنگە ئسرائیل ژی رێزێ ل سەروەریا ئاخا لوبنانێ بگریت و ئێدی قانوونێن نێڤدەولەتی ژی بنپێ نەکەت.
جۆزاف عەون ئەو یەک ژی دیار کر، پێدڤیا دەڤەرێ ب ئاشتیێ هەیە، دڤێت ئسرائیل ژی دەست ژ ئێرشکرنا ل سەر غەزە و لوبنانێ بەردەت، ب ئێرشێن سەربازی و کوشتنێ چو پرسەک ناهێتە چارەسەرکرن، ژ بەر ڤێ یەکێ ژی وەکو لوبنان ئەو بەرهەڤن هەموو پرسێن هەی ل گەل ئسرائیلێ چارەسەر بکەن، ب مەرجەکێ ئسرائیل ژی پایبەندی رێککەفتنان بیت و زێدەگاڤیان نەکەت، چونکی ژ بەر ئێرشێن بەردەوام یێن ئسرائیلێ هەتا نها زیانێن گەلەک مەزن گەهشتینە لوبنانێ.
