ئۆرۆپا: نابیت سنۆرێن ئۆکرانیایێ بهێنە گوهۆڕین
هژمارەک ژ سەرکردەیێن ئێکەتیا ئۆرۆپا دیار کرن، ئەو پێشوازیێ ل پلانا ترامپی دکەن دا شەڕێ د ناڤبەرا رۆسیا و ئۆکرانیایێ دا ب دووماهی بهێت، لێ د هەمان دەمی دا نابیت پلانا ترامپی ببیتە ئەگەرێ ب زۆرێ گوهۆڕینا سنۆرێن ئۆکرانیایێ، هەکە مەرەما رۆسیا ئەو بیت کو پشکەک ژ ئاخا ئۆکرانیایێ ل هەمبەر راگرتنا شەڕی ژێ وەربگریت ئەو یەک دێ بیتە ئەگەرێ قەیرانەکا دی یا مەزن بۆ ئۆرۆپا و نابیت ئەمریکا رێ بدەت تشتەک وەسا روو بدەت.
ئەڤ هەلوەستێ سەرکردەیێن ئێکەتیا ئۆرۆپا د دەمەکێ دایە کو بەری سێ رۆژان پەیڤدارا کۆچکا سپی یا ئەمریکا دیار کر وان پلانەک ژ بۆ راگرتنا شەڕێ ئۆکرانیایێ ئامادە کرینە و دانوستاندن ژی ل گەل رۆسیا دهێنە کرن و دڤێت رۆسیا ل دژی پلانا ترامپی نەبیت، چونکی د پلانا ترامپی دا تشتێ رۆسیا دڤێت دێ زێدەتر ژی بدەستڤە ئینیت.
