كاركرن د پڕۆژەیێ پرا شیشەی دا ل سوولاڤێ بەردەوامە
ئامێدیێ، مەحمود نهێلی:
ژ بۆ پتر گرنگیدان ب كەرتێ گەشتوگوزاری و راكێشانا گەشتیاران بۆ دەڤەرا ئامێدیێ، كاركرن د چێكرنا پرا شیشەیی یا سوولاڤێ بەردەوامە و نوكە گەهشتیە قووناغێن كۆنكریتكرنێ.
بنیامێن حامد، ئەندازیارێ سەرپەرشتێ پڕۆژەی بۆ رۆژناما ئەڤرۆ دیاركر، چێكرنا ڤێ پرێ ل دەڤەرداریا ئامێدیێ، پڕۆژەیەكێ گەشتیاری یە، كو دكەڤیتە سوولاڤێ و گۆت: «نوكە ئەڤ پڕۆژەیە د قووناغێن بجهئینانێ دایە و گەهشتیە قووناغێن كۆنكریتكرنێ و دەمێ جەنابێ پارێزگارێ دهۆكێ سەرەدانا دەڤەرێ كری، بەرێ بنیاتی بۆ هاتبوو دانانان و گوژمێ ئێك ملیار و 740 ملیۆن دیناران بۆ هاتینە تەرخانكرن».
ناڤهاتی گۆت: «بلنداهیا ڤێ پرێ 54 مەترن و درێژاهیا وێ ژی دگەهیتە 93 مەتران و فرەهی ژی دبیتە چار مەتر و دكەڤیتە سیلاڤێ ل هنداڤی رووبارێ ئامێدیێ، پڕ دێ یا پیادە بیت ژ لایێ رۆژئاڤا دێ دەربازی رۆژهەلاتی بیت، مەرەم ژ چێكرنا ڤێ پرێ هەم دێ جوانیەكا تایبەت دەتە وی جهی، هەم ژی دێ بیتە ئەگەرەك ژ بۆ پتر راكێشانا گەشتیاران بۆ دەڤەرێ».
