رۆلێ هێزێن زێرەڤانێن سنۆری بلند هاتە هەلسەنگاندن
زاخۆ، دلۆڤان هالۆ:
عومەر ئۆرەی، بەرپرسێ لقێ هەشت یێ پارتی ل ئیدارا سەربخوە یا زاخۆ دوهی 23/11/2025 پێشوازی ل لیوا دلێر فەرزندە زێباری، فەرماندێ ناوچا ئێك یا پاسەوانێن سنۆری و شاندێ د گەل دا كر.
د دیدارەكێ دا بەحس ل دۆسیێن هەڤكاریا هەڤپشك د ناڤبەرا لقێ هەشت و پێكهاتێن پاسەوانێن سنۆری دا هاتە كرن، ب تایبەتی ئەوێن گرێدای ئەركێن فەوجا ئێكێ د پاراستنا ئەمنیەتا سنۆران و بهێزكرنا سەقامگیریێ ل دەڤەرێ، هەر دیسا گەنگەشە ل سەر هەولێن دهێنە دان بۆ پێشئێخستنا كارێ ئەمنی و بلندكرنا ئاستێ هەماهەنگیێ ب رەنگەكی كو پشكداریێ د پشتەڤانیكرنا ئەمنیەتێ و خزمەتكرنا وەلاتیان دا بكەت هاتە كرن.
عومەر ئۆرەی، رۆلێ گرنگێ هێزێن پاسەوانێن سنۆری د پاراستنا سنۆران و رێگریكرن ل دزەكرنێ و پاراستنا سەقامگیریا گشتی دا بلند هەلسەنگاند و دەستخوەشی ل وان كر، دیسا دوپاتی ل بەردەوامیا پشتەڤانیا لقێ هەشت بۆ كار و ئەركێن نشتیمانی یێن ڤان هێزان كر.
