توندوتیژیا دژی ئافرەتان ژناڤبرنا ژیانێ یە
زەهرە بەرواری
سالانە رێككەفتێ 25-11 رۆژا بەرهنگاریا نەهێلانا توندوتیژیا دژی خێزان و ئافرەتان دهێتە راگەهاندن لسەر ئاستێ حوكمەتا هەرێما كوردستانێ و رێكخراوێن ئافرەتان و چالاكڤانێن جڤاكی سڤیل چەندین درووشم دهێنە بلندكرن و چالاكی دهێنە ئەنجامدان بۆ ئارامیا خێزانی و ئافرەتان. پێدڤیە بەردەوام هەموو دەمان ئارامی بەهرا خێزان و جڤاكێ بیت، نابیت ب چ رەنگا ئاستەنگ بۆ ئافرەتێ بهێتە دروستكرن ئەگەر بڤێت بخوینیت یان كارەكێ ئازاد بكەت یان ببیتە بازرگان و خۆدان كار، شیانێن ئافرەتان كێمتر نینە ل شیانێن رەگەزێ بەرانبەر ئەو جوداهیا رەگەزیا جڤاك بەرانبەر ئافرەتێ دكەت ئارامیا ئافرەتێ ژناڤبریە و هەردەما ئافرەت دلتەنگ دبیت و توندوتیژی بەرانبەر دهێتەكرن، ئەو جڤاك ژناڤ دچیت و ژیان تێدا نامینیت، لەوا پێدڤیە هەمی دەما دەرفەت بۆ ئافرەتان بهێتە خۆشكرن و ژیان نەك توندوتیژی ل گەل بهێتەكرن، ئەو جڤاكێن توندوتیژیێ بەرانبەر ئافرەتان دكەن، نەشێن ب ساخلەمی پێش بكەڤن و هەمی دەمان كێماسی تێدا هەنە. ئافرەت خۆدان پێگەهەكێ ب هێزە ناڤ جڤاكی شیایە ل هەمی دەما پێگەهێ خۆ ب هێزڤە نیشا بدەت و هاریكار و پشتەڤان بیت، دەمێ ئافرەت دهێتە شكاندن ژیان دهێتە ژناڤبرن. ئافرەتا كورد شیایە بگەهیتە ئاستێن بلند یێن بەرپرسیاریەتیێ ببیتە سەركردە كاروبارێن خۆ یێن سیاسی و حكومی ب باشی ب رێڤەبەت. پێدڤە جڤاك بهێتە هشیاركرن كو توندوتیژی دژی ئافرەتان زیانێ دگەهینیت جڤاكی و ترس و نەئارامیێ دروست دكەن، پێدڤیە مامۆستایێن ئایینی و چالاكڤان و راگەهاندن ب رۆلێ خویێ دروست رابن و نەهێلن توندوتیژیا دژی ئافرەتان زێدەتر ببیت و ئارامیێ بۆ جڤاكی بزڤرینن ڤە، هەردەما ل ناڤ جڤاكی ئافرەت یا ئارام بوو ژیان جوانتر دبیت بەلێ دەما توندوتیژی بەرانبەر ئافرەتێ دهێتەكرن؛ خێزان لاواز دبیت و ژیان ژناڤدچیت.
