رۆسیا بەرهەڤە چەکێ ئەتۆمی بدەتە ئیرانێ
ئەندامەکێ پەرلەمانێ ئیرانێ دیار کر، رەوشا رۆژهەلاتا ناڤین گەلەک یا ئالۆزە و ئسرائیل بەرهەڤیان بۆ ئێرشەکا نوو ل دژی ئیرانێ دکەت، دڤێت ئیران ب هەموو رەنگەکێ کار بکەت دا بشێت چەکێ گران و پێشکەفتی بدەستڤە بینیت، د دەمێ شەڕێ ١٢ رۆژان یێ د ناڤبەرا ئسرائیلێ و ئیرانێ دا رۆسیا وی دەمی بەرهەڤ بوو چەکێ ئەتۆمی بدەتە ئیرانێ.
کامیران غەزەنفەری ئەو یەک ژی دیار کر، دڤێت ئیران هەر تشتەکێ بۆ پاراستنا خوە بکەت، چونکی ئسرائیل و ئەمریکا کار بۆ گوهۆڕینا دەستهەلاتا ئیرانێ دکەن و مەترسیێن مەزن ل سەر ئیرانێ هەنە.
ئەو یەک د دەمەکێ دایە کو د شەڕێ ١٢ رۆژان یێ د ناڤبەرا ئیرانێ و ئسرائیلێ دا وی دەمی رۆسیا دیار کر ئەو ب چو رەنگەکێ چەکێ ئەتۆمی نادەنە ئیرانێ و چاڤدێرێن سیاسی ژی دیار دکەن داخویانیا پەرلەمانتارێ ئیرانێ تنێ بۆ خاپاندنا خەلکێ ئیرانێ یە.
