ئاریشە دێ تە بهێزكەن
دلڤین ئەمین عەبدوللا
ژیان ژ چارەسەرییا ئاریشەیان پێك دهێت و هەموو جۆرێن ئاریشەیان دێ بۆ لایێ تەڤە هێن، یان دێ ئاریشە تە تێك شكێنن، یانژی دێ تە كەنە كەسەكئ مەزن، ئەڤ كارە ل سەر تە راوەستیایە و تۆ دئ ئەنجام دەی.
هەموو ئەو كەسێن ئارمانج نەی و رازی بووین ببنە كەسێن سادە، ئەو كەسە نە یێن ژ پێكولا دڕەڤن ژ ترسێن دروستبوونا ئاریشەیان ، بەلێ ئەو نوزانن ب ڕەڤینئ ئەو مەزنترین ئاریشە دژیانا خۆدا دروست دكەن، كۆ دێ كەڤنە بەرامبەر گەلەك ئاریشەیان و دێ روو ب روو بنێ و نەشێن چارەسەربكەن، ئاریشە وەك نەخوشیانە یا گرانە هەر دەمێ مرۆڤی درەنگتر چارەسەركر ئەگەرێ چاكبوونێ ب زەحمەتر لێ دهێت.
بەری هەر پێنگاڤەكئ بهاڤێژی پێدڤیە پێشبینیا هەر ئاریشەكێ بكەی كو ب كەڤتە بەر سینگێ تە و پێدڤیە هزر د چارەسەریا وێ ئاریشێ دا بكەی، دا ل سەرتە گران نە راوەستید، ئانكو وێ ئاریشەیێ ل بەر سینگئ خۆ راكەی و یا گرنگ ئەوە چ جاران ژ ئاریشەیان نە ترسی، چونكی ئەو ئاریشە دێ تە دروست كەن و كەسایەتیا تە پێك ئینن.
بلا ئاریشە بهێتە بەر سینگئ تە، بەلێ پا هەردەم یێ بەرهەڤ بی بۆ چارەسەركرنا وێ ئاریشەیێ و هەردەم یێ ب هێز و شیان بی و بەردەوام دپێكولا دا بە و نەترسە، ژیان تاقیكرنە و تاقیكرن دڤالا نینن ژ نە خۆشیان و تاقیكرن پێدڤی ب وەستیان و خۆ ئامادەكرنئ یە، پێدڤی ب هێز و بەرهەڤكرن و گرنگیپێدانێ یە و پێكولێن ب دەستڤەئینانا سەركەفتنئ بێی ئەنجامدانا تاقیكرنێ بتنێ دێ روو ب روو ئەزموونێن دژوار كەن، هەتا تو تاقیكرنێن خۆ باشتر دكەی، دێ ئەزموونا تە ب زەحمەتر بیت.
ژبەرهندێ بلا هەردەم تە ئارمانج و كارێ خۆ یێ دیاركری هەبیت و بەردەوام بە ژ پێكولكرنێ و نەراوەستە و نەترسە هەكە ئاریشەیەك هاتە بەر سینگێ تە بلا هەردەم ل بیراتە بیت كو ئاریشە دێ تە بهێز ئێخیت و رێكا دروست نیشا تە دەت، دێ بووتە دیار بیت كا تە ل دەستپێكئ شاشی ل كیڤە كریە دێ ل شاشیا خۆ زڤڕی، ژبەر هندئ نەترسە و كاربكە و ل سەر تە پێدڤیە بەرێ خۆ بدەیە ئاریشەیێ هەر وەك (د. ئیبراهیم ئەلفەقی) دبێژیت: ژیان فێرگەهە و تۆ تێدا قوتابیی و ئاریشە تێدا ژ پرسیارێن بیركاریێ پێك دهێن كو تو دشێی شیكار بكەی.
