گواردیۆلا: چو ئاریشە دگەل هالاندی نینن
یێ ئسپانی پێب گۆاردیۆلا ڕاهێنەرێ یانەیا مانچستەر ستی یا ئنگلتەرایێ دۆپاتكر كو ستێرا تیمێ ئیرلینگ هالان خالا هێزێ یا تیما وی یە و هیچ ناكۆكیەك دناڤبەرا وی و یاریزانی دا پەیدانەبوویە، ئەڤچەندە هات پشتی پشتەڤانێن مان ستی ترسا خوە ل سەر هەبوونا ئاریشەیەكێ دناڤبەرا هەردوكان دا تایبەت پشتی یارییا بۆری بەرانبەر لیدز یۆنایتد ژ خولا ئنگلتەرایێ ئەوا تیدا دیاربووی گەنگەشەكا نە سرۆشتی دناڤبەرا واندا هاتییە دیتن.
د دیدارەكا رۆژنامەڤانی دا گۆاردیۆلایی گۆت: هەموو پشتەڤان بلا د ئارام بن چو ئاریشە و ناكۆكی دناڤبەرا من و هالاندی دا نینە و ئەو خالا هێزێ یا تیمێ یە، مە باشترین یاریزان هەیە و یێ پێگیرە ب ڕاهێنان و هەر ڕێنمایەكێ، دیاریێ دا دبیت هندەك جاران یاریزان كونترۆلێ ل سەر خۆ نەكەت ژبەر گڤاشتنا یاریێ و گەنگەشە دناڤبەرا وی و ڕاهێنەری دا پەیدابیت لێ دووماهیێ وەكو باب و كوڕ دێ چنە ستۆیێ ئێكودو و ڕێزگرتنا هەڤدو ددەن.
