کەس نەشێت رێگریێ ل کوردان بکەت
سەرۆکێ ئەنجوومەنێ نشتیمانی یێ کوردی ل سووریێ دیار کر، پرسا کوردی ب چەک و شەڕی ناهێتە چارەسەرکرن و د هەمان دەمی دا ئێدی کەس نەشێت کوردان ژ بدەستڤەئینانا مافێن خوە یێن رەوا دوور بکەت، کوردان دەست ب قووناغەکا نوو یا خەباتا سیاسی کرینە و ئەڤرۆکە کوردان پێگەهەک بهێز ل دەڤەرێ هەیە و ل سووریێ ژی دڤێت کورد بگەهنە مافێن خوە.
محەمەد ئیسماعیل ئەو یەک ژی دیار کر، دەستهەلاتا نها یا سووریێ ژی نەچارە راستیێن هەی قەبوول بکەت، دڤێت کورد ل سووریێ بگەهنە مافێن خوە، رێگری ل کوردان بهێتە کرن دێ بیتە ئەگەرێ ئالۆزیێن زێدە ل سووریێ، کوردان نەڤێت رەوشا سووریێ ئالۆز بیت، کوردان دڤێت ببنە فاکتەرێ ئارامیێ و ژ بەر ڤێ یەکێ ژی دڤێت شام ل گەل کوردان دەست ب دانوستاندنان بکەت، دانوستاندن باشترین چارەسەرە و وەسا چو زیان ناگەهنە سووریێ ژی، هەر هەلوەستەکێ خراب یێ شامێ ل هەمبەر کوردان دێ زیانا خوە بۆ هەموو سووریێ هەبیت.
