ئیران بۆ شەڕێ ئسرائیلێ خوە بەرهەڤ دکەت
بەرپرسەکێ وەزارەتا بەرگریێ یا ئسرائیلێ دوهی بۆ رۆژنامەیا واشنتۆن پۆست یا ئەمریکا دیار کریە، زانیاریێن تەمام ل بەر دەستێ وان هەنە کو ئیران بەرهەڤیان بۆ شەڕێ ئسرائیلێ دکەت، ئیران جارەکا دی چەکێ گران ددەتە حوسیان و هەروەسا بزاڤا ڤێ یەکێ ژی دکەت چەکێ گران و پێشکەفتی بدەتە حزبوللا لوبنانێ و ل سووریێ ژی جارەکا دی ئیرانێ دڤێت چەکی بدەتە هندەک گرۆپان دا ئەو ژی ئێرشی سووریێ بکەن.
هەمان بەرپرسی ئەو یەک ژی دیار کریە، ئیرانێ گەلەک بزاڤ کرینە سیستەمێ بەرگریێ یێ مودێرن ژ رۆسیا یان ژی چینێ وەربگریت لێ هەتا نها نە رۆسیا و نە ژی چینێ ئەو سیستەم نەداینە ئیرانێ. لێ تشتێ نها دیارە ئیران بەرهەڤیان بۆ شەڕەکێ ل گەل ئسرائیلێ دکەت.
ئەو یەک د دەمەکێ دایە کو بەری چەند رۆژان فەرماندارەکێ پاسدارێن ئیرانێ ژی دیار کربوو هەکە ڤێجارێ ئسرائیل ئێرشی ئیرانێ بکەت ئەو دێ کار بۆ ژناڤبرنا ئسرائیلێ کەن، چونکی ئسرائیل بوویە مەترسی بۆ هەموو رۆژهەلاتا ناڤین.
