كابینەیا نەهێ چاوا ل بەرانبەر پیلانگێڕییان خـۆڕاگـر دمینیت؟
ئاخچین دۆسكی
هەر ل دەستپێكا بكاربوونا كابینەیا نەهێ یا حوكمەتا هەرێما كوردستانێ و ڤەژاندنا پرۆژەیێ سەرانسەری یێ چاكسازیێ كو ئەڤە داخوازا پڕانیا جەماوەرێ هەرێمێ ببوو و نیازەكا پاك بوو ژ ئیرادەیا سەركردە و پێشمەرگە كاك مەسرۆر بارزانی، ئێدی ئالۆزی و ئاستەنگێن هەرە مەزن و دژوار دەست پێكرن، ژ بەر گەلەك ئەگەران، مینا كارڤەدانا ئەنجامێن مەزن یێن پرۆسەیا گشتپرسیێ، كو نە ب دلێ وان لایەن و وەلاتێن داگیركەرێن كوردستانا مەزن بوو، كو ب رێیا ئیراقێ ب گەلەك شێوازان فشارێن خوە ل سەر هەرێمێ شداندن، هەروەسا ژی ئەو ئاڤەدانی و پێشڤەچوونا هەرێماك كوردستانێ ژ هەر لایەكی ڤە بخوەڤە گرتی، جهێ نەرازیبوونا وان بەڤلان بوون، ئەڤە ژلایەكی ڤە و ژلایەكێ دی ڤە ژی، ب هێزكەفتنا پێگەهێ هەرێمێ یێ سیاسی و دگەل ژی دا هێزا پێشمەرگەی و ئەو سەركەفتنین لەشكری یێن بدەستڤە ئیناین ل سەر رێكخراوا تیرۆرستی یا داعش و هێرشێن حەشدا شەعبی ب پشتەڤانیكرنا دوژمنێن كوردستانێ یێن ڤەشارتی و یێن ئاشكرا، د دلێ دوژمنی دا نەچووبوون، ئەڤ ئەگەرانە هەمی بوونە لەهیەكا بۆش و ل هەمان دەمی پەقین، یێ كو د ماوەیێ ڤێ كابینەیێ دا هەڤدەم بووی، ئاراستە یا وان ب هەر رێك و شێوازەكی كەفتە بەرانبەر هەرێمێ و دەستهەلاتا وێ یا ژێهاتی، وەكو بڕینا مووچەیێ، فەرمانبەران و بۆدجە و دیسا راگرتنا هناردەكرنا پترۆلا هەرێمێ و…هتد. بەلێ ئیرادە و خۆراگریا حوكمەتا هەرێمێ و كەسێ سەرۆكێ وەزیران هندە باوەری ب خوە هەبوو كو دێ شێن ب سەر هەمی پیلانان دا زال بن، چونكو خودەی خەباتەك و حزبەكا دێرینن، و یا ژ هەمیێ گرنگتر ئەوە كو گەل دگەل دانە و ل هەمی هەلوەستان دا جەماوەر پشتەڤانە و دلسۆز و قوربانیان ددەت پێخەمەت كیانێ كوردی بمینیت، ئەڤ كیانە و قەوارەیە رادەست نەبوو و نە كەفت و ناكەڤیت ژی..
هەلبەت ل ماوەیێ حوكمداریا خوە دا ژی ل سەر ئاستەكی ناڤخوەیی سەركردە مەسرۆر بارزانی گەلەك ب خۆراگری و لێزان و واقعی وەكر كو نیشا بەرپرسێن د حوكمەتێ دا كاردكەن بدەت، كو ئەو خزمەتكارن و پێدڤیە پەیوەندی د ناڤبەرا خەلكی و بەرپرسان دا پەیوەندیەكا راستەوخوە بیت، د ناڤبەرا دەستهەلاتێ و خەلكی دا كو ببنە پرەك بۆ ڤەژاندنا ژیانێ و ئاشتیێ و ئارامی و پێكڤەژیانێ. هەمی هاندان كو دیسا تەحەدیا زۆر كاودانێن بەرتەنگ كر كو ژ لایێ وەلاتێن دوژمن و یێن دەوروبەر ڤە دهێن، ژ هەمی لایەكی ڤە هێرش لسەر كار و چالاكیێن وی هاتنە كرن، بەلێ خۆراگریا جەنابێ وی لسەر هەمی كاودانان دا زالبوو و بەرهەنگاریا هەمی ئاستەنگان كر دا كو مللەت ل سەرپێ خوە بمینیت و نەكەڤیت و هەمی هێزا خوە بۆ كاركرنێ دا و بۆ خزمەتێ چەندین پێنگاڤێن گرنگ د ماوێ حوكمرانیا كابینەیا خوە دا هاڤێتن.
كابینەیا نەهێ پێنگاڤا چاكسازیێ ئێك ژ پێنگاڤێن هەڕە گرنگ بوو و بەرهەنگاریا ڤایرۆسێ كۆرۆنایێ دا هەمی وەزارەتێن پەیوەندی ب بەرهەنگاریێ ڤە خستن كاری و د پەسەندكرنا بۆجا هەرێمی ژی دا سەرەرای وان ئاستەنگ و ئالۆزیێن بێهنا پیلان و پیلانگیریێ ژێ دهێت، هەول و رۆلەكێ مەزن گێڕا. زێدەباری بیاڤێ گرنگیدان ب رۆژلێ ئافرەتان ژی كابینەیا نەهێ رۆلەكێ بەرچاڤ دانێ و رۆلەكێ كاڕا و هەژی گێران و د جهێ چێكرنا بریارێ دا پشكداربوون.
