پەیوەندیێن خوە ل گەل ئەمریکا تێک نادەین
ئالۆزیێن د ناڤبەرا ئەمریکا و ڤینزۆیلا دا دژوارتر بووینە و ل گۆر راپۆرتەکا ئاژانسا رویترز مادورو داخوازا هاریکاریێ ژ هەر دو وەلاتێن رۆسیا و چینێ کریە و هەر دو وەلاتان ژی دیار کرینە د رەوشا نها یا ئالۆز ل جیهانێ دا وان نەڤێت پەیوەندیێن خوە ل گەل ئەمریکا تێک بدەن و نابیت چو ئالۆزیێن نوو ژی روو بدەن.
ل ئالیێ دی دوهی سەرۆکێ ئەمریکا دۆنالد ترامپ دیار کر، مادورو هەموو داخوازیێن ئەمریکا قەبوول کرینە و خوە رادەست کریە، دڤێت ئەو ب زووترین دەم ژ ڤینزۆیلا بچیت دا ئالۆزیێن زێدەتر روو نەدەن، هەکە مادورو بچیتە وەلاتەکێ دی رەنگە وی دەمی بێی شەڕ هندەک گوهۆڕینێن باش روو بدەن، لێ هەکە وەسا نەکەت ئەمریکا دێ ب دەستێوەردانەکا سەربازی یا پێدڤی کەت، چونکی مەترسیێن مەزن ل سەر ئەمریکا هەنە و ئێدی ئەمریکا ل هەمبەر کریارێن مادورو و دەستهەلاتا وی بێدەنگ نابیت.
