جەماوەرێ زاخۆ ئێك دەنگییا كوردستانێ بوو
حاجی دۆسكی
جەماوەری یانەیا زاخۆ هەمی سنور دەربازكرن ئێدی ناڤێ ڤی باژێری گەهشتە 211وەلاتێن جیهانێ ئەوێن ل بن سیبەرا فدراسیۆنا فوتبۆلا نێڤدەولەتی (fifa)، ئەڤی جەماوەری ماندیبوونەكا مەزن یا دیتی سەدەهان كیلومترا دووركەفتی نە ژ خێزان و كارێن خو بجه هیلاینە تنێ ژبەر دلسوزییا ناڤێ باژێرێ خوە هەڤڕكیێ دگەل هەمی كاودانا كریە گەلەك دەما تووشی سزایان بووینە، لێ ب هێزتر ڤەگەڕیاینە هەتا ئەو روژ هاتی دەمێ پشتەڤانێن یانەیا زاخۆ كارەكێ مروڤایەتی ئەنجامدایی ل 13-ئەیارێ ئەو یارییا بەرامبەر یانەیا حدود ل یاریگەها زاخۆ ب هاڤێتنا یاریێن زاروكا بۆ ناڤ گورەپانێ بمەرەما هنارتن بو زاروویێن نەخوش، ڤی دیمەنێ دلسوز جەماوەرێ زاخو كەتە هەڤركی یێ دگەل ئەلیخاندرو سیگانۆتۆ یێ ئەرجەنتینێ ئەوێ نێزیكی 6000كم برین ب ترومبیلێ بۆ پشتەڤانییا تیما خوە، هەروەسان هەڤڕكێ دی مانویل كاسیریس یێ ئیسپانی ئەف پێنگاڤە تنێ بۆ زاخو خەلاتە، لڤێرێ یامە دڤێت بهێتە گوتن ئەوە یە كو ناڤێ زاخو ئێك دەنگییەك ل كوردستانێ ب گشتی پەیدا كر، هەمی دەما وەرزش مللەتی لێك كومكەت پترییا خەلكێ كوردستانێ دەنگ ب یانەیا زاخۆ دایە ژ كەسانێن سیاسی، ئاینی، چڤاكی، هونەرمەند و هەمی تەخێن كومەلگەها كوردستانێ، كەسێ ئەو هزر نەكرییە و ناكەت ژی كو ئەڤ یانە نە ب سەر لایەنێ من یێ سیاسی ڤە یان نە باژێرێ منە بلا سەر نەگەڤیت بەروڤاژی كوتیە زاخۆ شیایە ناڤێ كوردستانێ ب گەهینتە جیهانێ تنێ ئەڤە ئارمانجا هەر كوردەكێ دلسوزە، راستی ڤێ پێنگاڤێ دیار كر ڕێكا وەرزشێ ئەم شێن هەستا كوردایەتی گەهینە ناڤ ناخێ هەر تاكەكێ كورد دا، ئەڤە باشترین دەستكەفتێ مێژوویا وەرزشی یە ل كوردستانێ، بۆ قووناغێن داهاتی ئەم چاڤەرێ پێنگاڤێن نایابترین ژ هەمی پشتەڤانێن یانەیێن دی یێن كوردستانێ.
