ئەركێ مە ب سانەهی نابیت و دەلیڤەیەكا دیرۆكی بەرانبەری یاریزانان هەیە
شاهۆ فەرید:
د داخویانیەكێ دا زانیار رەجەب ڕاهێنەر و یاریزانی تیما تێنسا ل سەر مێزێ یا یانەیا پۆلیتەكنیكی دیاركر وەكو تاكە یانەیا پارێزگەهێ پشكداریێ د هەڤڕكیێن قووناغا ئێكێ ژ كۆما هەرێما كوردستانێ دەربازبوون بۆ دووماهییا خولا پلا ئێكا ئیراقێ، ئەوا بڕیارە هەڤڕكیێن وان ئەڤرۆ ب پشكدارییا هەشت یانەیێن هەرێمێ ل هەولێرا پایتەخت بهێنە كرن.
زێدەتر ناڤهاتی بۆ رۆژنامەیا ئەڤرۆ دیاركر: پێكهاتیێ تیما مە ب چار یاریزانێن كوڕێن باژێرێ دهۆكێ نە و ئەز وەكۆ راهێنەر و یاریزان دێ دگەل دابم، یاریێن مە ب شێوەیێ خول دێ هێنە كرن دێ ئەڤرۆ بەرانبەر هەولێرێ یاریێ كەین، دووڤدا بەرانبەر فتوە یا مووسلی، دووڤدا ئەكاد و ئارارات یێن هەولێری كو رۆژانە یارییەكێ كەین، جێوازیا ئەڤێ قارەمانیێ ئەڤ جارە هەموو ئاست و ژیێن كرینە ل گەل ئێَك، وەكو یانەیا پۆلیتەكنیك ئەڤە بۆ ماوەیێ پتری مەهەك و20 رۆژ بوون مە بەرهەڤیێن خوە دكرن.
ژلایەكێ دووڤە ناڤهاتی گۆت ژی: ئەم تاكە یانەیا دهۆكێ نە دێ پشكداربین د ئەڤێ قارەمانیێ دا، هەرچەندە ئەركێ مە ب سانەهی نابیت بزاڤ و ئارمانجا مە ئەوە ببینە هەڤركێن ب هێز دناڤا قارەمانیێ دا، ئەڤە دەلیڤەیە بۆ یاریزانێن مە پتر شیان و هێزا خوە دیاربكەن، هاتنا ئەڤێ قارەمانیێ دێ پالدەرەكێ سەرەكی بیت بشێن خوە دیار بكەین.
هەژی گۆتنێ یە ئەڤ قارەمانیە دێ ب شێوەیێ كۆمڤەكرن هێتە ئەنجامدان بۆ ماوەیێ سێ رۆژان دێ قووناغا ئێكێ هەر ژ چار هەتا شەشێ كانوونا ئێكێ هێتە ئەنجامدان، ئەڤ یانە سەر چوار ئاستان و كۆمان هاتنە دابەشكرن ئەو ژی كۆما بەغداد، نەجەف، سلێمانی، هەولێر، یانەیا پولیتەكنیك كۆما یانەیین هەولێریی دایە، دوویڤ دا دێ قووناغا دویێ دەمەكی دی دا هێتە دیاركرن.
