یانەیا ئاكرێ دێ پشكداریێ د خولا ئیراقێ دا كەت
رەمەزان زەكەریا
د داخویانیەكێ داپەیڤدارێ یانەیا ئاكرێ یا وەرزشی ئاشكراكر بڕیار هاتیە دان بۆ وەرزێ نوو یێ خولا پلا سێ یا ئیراقێ تیما فوتبۆلا یانەیا مە پشكداریێ بكەت ئەڤچەندە هات پشتی بزاڤێن بەردەوام یێن دەستەیا كارگێری ژبۆ دلخوەشكرنا جەماوەرێ یانەیێ و دبیتە جارا ئێكێ ئاكرێ پشكداری خولێ ببیت پشتی ڤەقەتیانەكا درێژ.
زێدەتر سوهەیب عەلی بۆ رۆژناما ئەڤرۆ گۆت: پشتی ئەنجامدانا تیرۆپشكێ بۆ خولا پلا سێ یا ئیراقێ بازنەیێ پارێزگەها دهۆك یانەیێن ئاكرێ، گارە و پیرس ل بارەگەهێ فدراسیۆنا فوتبۆلا دهۆك یانەیا ئاكرێ دێ یاریێ بەرامبەر گارە و پیرس ئەنجامدەت ژ چارچووڤێ ڤاڤارتنێن دەربازبووی بۆ قووناغا دویێ.
ناڤبری گۆتژی: یاریێن تیما یانەیا ئاكرێ دێ بڤی شێوەیی بن، یا ئێكێ بەرامبەر گارە ل 15ێ ڤێ مەهێ ل یاریگەها دهۆك سێ كەت، یارییا دویێ بەرامبەر پیرس ل 22ێ ڤێ مەهێ ل یاریگەها بەردەڕەش هێتە كرن، ئەو تیما ل رێزا ئێكێ بهێت دێ سەركەڤیت بۆ قووناغا دویێ ژ خولا پلە سێ پاشان ل دووڤ سیستەمێ نوو ئەو یانەیێن بازنەیێن پارێزگەهێن دی دێ ل دووڤ خشتەكی یاریێ كەت ژبۆ دەربازبوونا دو یانەیان بۆ پلا دو ئیراقێ.
هەروەسان سوهەیب گۆت: ئەڤ پێنگاڤە بۆ تیما مە گەلەك گرنگە و كارگێرییا یانەیێ دێ هەموو بزاڤان كەت باشترین بەرهەڤی بۆ ڤێ خولێ هەبن پێخەمەت گەهشتن بەر ب ئارمانجا ئێكێ و دەربازبوون بۆ پلا دو و دووڤ دا پلا ئێكا ئیراقێ، ب هیڤینە ب گەهینە.
