ئەنجامێن وەكهەڤی چو كارتێكرن ل سەر ڕێزبەندییا ئاكرێ و زاخۆ نە كر
ب دووماهی هاتنا هەڤڕكیێن گەڕا شەشێ ژ خولا نایابا كوردستانێ یا فوتبۆلێ ژ سەرجەمێ شەش یاریێن ڤێ گەڕێ پێنچ یاری ب وەكهەڤی ب دووماهی هاتن، ژ وانا یاریێن نوونەرێن پارێزگەهێ ئاكرێ و زاخۆ ئەوێن ژ دەرڤەیێ یاریگەهێن ب خالەكێ ڤەگەریان.
ئاكرێ رێزا پێنجێ پاراست
تیما یانەیا ئاكرێ ئەوا دگەل یانەیا سیروانی نوو ب دو گۆلان وەكهەڤ بووی د یارییا واندا ئەوا ل یاریگەها زانكۆ ل باژێرێ سلێمانیێ هاتیە كرن جهێ خوە ل ڕێزا پێنجێ پاراست ب كۆمكرنا هەشت خالان ژ سەركەڤتنەك و پێنچ وەكهەڤی بێ هێچ خوسارەتیەك، هەشت گۆل تۆماركرینە و سێ ل سەر هاتینە تۆماركرن.
زاخۆ وەكهەڤییا دویێ ئینا
ژلایێ خوە تیما یانەیا زاخۆ نوورا دویێ یا پارێزگەهێ وەكهەڤییا دویێ د خولێ دا ئینا پشتی دگەل خودانێن ئەردی یانەیا هندرین سەركێشا خولێ ب گۆلەكێ وەكهەڤ بووین، بڤێ ئەنجامی كوڕێن خابووری هەشت خال كۆمكرینە ڕێزا حەفتێ دهێت ژ دو سەركەڤتن، دو وەكهەڤی و دو خوسارەتی هەنە، یاریزانێن وێ حەفت گۆل تۆماركرینە د بەرانبەر دا حەفت گۆل ل سەر هاتینە تۆماركرن.
ژ ئەنجامێن یاریێن دی، شێروانە 1-چنە دەربەندیخان، چوارقۆڕنە چنە-چنە ڕانیە، ڕزگاری 1-1 پیشەسازی، پێشمەرگەیا هەولێر چنە-چنە قەلادزێ.
هەلوەستێ گشتی پشتی ب دووماهی هاتنا یاریێن گەڕا شەشێ
1- هندرین 12 خال.
2- چوارقۆرنە نەهـ خال.
3- ڕانیە نەهـ خال.
4- سیروانی نوو هەشت خال.
5- ئاكرێ هەشت خال.
6- ڕزگاری هەشت خال.
7- زاخۆ هەشت خال.
8- پێشمەرگەیا هەولێر هەشت خال.
9- شێروانە حەفت خال.
10- قەلادزێ شەش خال.
11- پێشەسازی پێنچ خال.
12- دەربەندیخان دو خال.
یاریێن گەڕا حەفتێ
بڕیارە ل پێنچشەمبییا بهێت یاریێن گەڕا حەفتێ ژ خولا پلا نایابا كوردستانێ بڤی شێوەیی بهێتە كرن، زاخۆ- پێشمەرگەیا هەولێر، دەربەندیخان- ڕزگاری، ڕانیە- سیروانی نوو، رۆژا ئەینی، ئاكرێ- هندرین، قەلادزێ- سێروانە، پیشەسازی- چوارقۆرنە.
