ئەگەرێن دلرابوونێ ل دەف زارۆكان ل وەرزێ زڤستانێ چنه؟
رێژا دلرابوونێ ل دەف زاروكان ب شێوەیەکێ بەرچاڤ زێدەدبیت ژ ئەگەرێ توشبوونا وان ب ڤايروسێن زڤستانێ.
كۆمەک ژ ڤايروسێن جورا و جور وەک “مينا روتا، نورو ، ئەدينو ، و انتيرو ڤايروسان” نوکە د بەربەلاڤن كو (مەعيدێ) و رويڤيكان تووشدكەن و دبیتە ئەگەرێ دلرابوونێ تايبەت و زكچوونێ و ئێشانا زكى و كێمبوونا ئاڤێ ژ لەشی و پێدڤی ب نەخۆشخانێ دبن.
هەروەسا تا ( Fever) يا ڤان ڤايروسان لڤینا مەعیدێ کێم دکەت و دبیتە ئەگەرێ دلرابوونێ.
بەردوام ڤايروسێن هەناسێ ئاڤێ ل دفنێ زێده دكەن ( Nasal secretions) و پتریا زاروکان نەشێن خۆ ژێ خلاس كەن و ڤێ ئاڤێ دادعويرن و دبیت ئەگەرێ دلرابوونێ،
بۆ زانين گەلەك دەرمان دهێنە وه رگرتن بو چارەسەريا ڤان زاروكان وەک دەرمانێن دژى بەكتريا (Antibiotics) پروفين (Ibuoprofen) بو كێمکرنا تايێ و هندەك دەرمانێن دژى كۆخكى ( Cough drugs) هەکە ب ريژەکا مەزن بهێنە وەركرتن دلرابوونێ پەیدادکەن.
پتریا حالەتێن دلرابوونێ د سڤكن بەلێ هەکە بەردەوام بوو ل ٢٤ سعەتان و خوارنا زارۆکی تێكچوو ونيشانێن هشکبوونێ ل لەشێ وی وى ديارکرن، پێدڤیە بهێتە رەوانەکرن بۆ نەخۆشخانێ.
