بریتانیا سەبارەت ب ئیرانێ هۆشداریێ ددەت
هژمارەک ژ ئەندامێن پەرلەمانێ بریتانیا د راپۆرتەکێ دا بۆ حوکمەتێ دیار کرینە، ئیرانێ ل بریتانیا و ئۆرۆپا دەست ب سیخۆریێ ل سەر هێزێن ئۆپۆزسیۆنا ئیرانی کریە و هەروەسا کار بۆ رەڤاندن و کوشتنا کەسێن دژبەری خوە دکەت، ئەو یەک ژی پێشهاتەیەکا مەترسیدارە و دڤێت حوکمەتا بریتانیا و هەروەسا وەلاتێن دی یێن ئێکەتیا ئۆرۆپا ل هەمبەر بزاڤێن نوو و مەترسیدار یێن ئیرانێ هشیار بن و دڤێت یا پێدڤی ل دژی ئیرانێ بهێتە کرن.
ئەو یەک د دەمەکێ دایە کو ڤێ دووماهیێ بریتانیا گەلەک سازی و کەسایەتیێن ئیرانێ سزا داینە و نها پەیوەندیێن ئیرانێ و بریتانیا گەلەک خرابن و ئیران بریتانیا تومەتبار دکەت کو ب هەماهەنگی ل گەل ئەمریکا و ئسرائیلێ ل دژی ئیرانێ کار دکەت.
