یانەیێن پارێزگەهێ كونترۆلا پڕانییا ڕێزێن ئێكێ یێن قارەمانییا ئیراقێ كرن
قەیس وەیس:
ب دووماهی هاتنا هەڤڕكیێن قارەمانییا ئیراقێ بۆ یارییا كیك بۆكسینگێ ئەوا ب پشكدارییا ٢٥٠ یاریزانێن كوڕ ودو یێن كچ ژ 30 یانەیێن هەرێما كوردستانێ و ئیراقێ ئەوا بۆ ماوەیێ چار رۆژان هۆلا گرتییا چالاكیێن وەرزشی ل باژێرێ دهۆكێ مێڤاندارییا وێ كری، پێنچ یانەیێن پارێزگەهێ پشكداربوون و شیان ئەنجامێن دلخوەشكەر ل سەر ئاستێن جودا یێن كێشان ب دەستخوەڤە بینن.
ئەنجامێن یانەیێن پارێزگەهێ بڤی شێوەیی بوون ل سەر ئاستێ پێشكەڤتیان سیستەمێ K1و لاوان بۆ سیستەمێ Full contact ب شێوازێ نێڤدەولەتی دهاتە كرن كو دبیتە داوی قارەمانیێن ئیراقێ بۆ ئەڤ سالە كو دێ یاریزانێن هەر ژ كێشا 51كگم هەتا +91كگم پشكداربن.
یانەیا دهۆك 11 میدالیێن ڕەنگی بدەستڤە ئینابوون ئەو ژی.
1- هیوار بەروار محسن- 51كگم ڕێزا ئێكێ-پێشكەڤتی.
2- عەلی محەمەد عەلی-67كگم ڕێزا ئێكێ-پێشكەڤتی.
3- ئیبراهیم عەلی ئیبراهیم- 54كگم ڕێزا ئێكێ-لاوان.
4- دانەر حكمەت محەمەد- 71كگم- لاوان.
5- زانا سالح كەكۆ- 67كگم ڕێزا ئێكێ-پێشكەڤتی.
6- ئەحمەد محەمەد خەیر-75كگم ڕێزا ئێكێ لاوان.
7- محەمەد نەوزاد عومەر-67كگم، ڕێزا دویێ-لاوان.
8- رەیان محەمەد جەمیل-81كگم-رێزا سێیێ-پێشكەڤتی.
9- ڕێزان سلێمان سلێمان-ڕێزا سێیێ-پێشكەڤتی.
10- ئاشنا سالح كەكۆ- 60كگم- ڕێزا ئێكێ- كچان.
11- شایەن هاشم محەمەد-56كگم- ڕێزا ئێكێ- كچان.
یانەیا زاخۆ یا وەرزشی
1- سیداد سەگڤان حەمۆ- 57كگم- ڕێزا دویێ-پێشكەڤتیان.
2- سەلیم خەلەف سەلیم-60كگم-ڕێزا دویێ-پێشكەڤتی.
3- محەمەد حەكیم سەعدی-+91كگم ڕێزا دویێ- پێشكەڤتی
ئەنجامێن یانەیا گارە یا وەرزشی.
1- ئەیهەم ئێحسان محەمەد-71كگم، ڕێزا ئێكێ-لاوان.
2- مەتین محەمەد تاهر-86كگم- ڕێزا ئێكێ-لاوان.
3- نیاز پەروەر نەبیل-67كگم- ڕێزا سێیێ-لاوان.
4- محەمەد عەبدولستار محەمەد-60كگم- ڕێزا سێیێ-لاوان.
5- شەهاب ئەحمەد محەمەد-54كگم- ڕێزا ئێكێ-پێشكەڤتی.
6- ئاڤەند فەرەج تاها- 51كگم-ڕێزا سێیێ- پیشكەڤتی.
7- زەید عەبدولرەحمان رەشید-57كگم-ڕێزا سێیێ- پێشكەڤتی.
8- شێرزاد جیهاد محەمەد-60كگم-ڕێزا سێیێ- پێشكەڤتی.
9- یاسر عەلی محەمەد-75كگم- ڕێزا سێیێ- پێشكەڤتی.
ئەنجامێن یانەیا پیرس یا وەرزشی
1- سەرۆك مێڤان سەعدی-63.5 كگم ڕێزا ئێكێ لاوان.
2- ئارام سەعد ئیلیاس +81كگم، ڕێزا سێیێ-پێشكەڤتی.
ئەنجامێن یانەیا ئامێدیێ یا وەرزشی
1- ئەلند عەبدولرەحمان خالد- +91كگم-ڕێزا ئێكێ پێشكەڤتی.
2- ئەركان ژێگر خۆشەڤی-60كگم-ڕێزا ئێكێ-لاوان.
3- شاپێل یوسف عەبدوللا-75كگم-ڕێزا ئێكێ-لاوان.
4- ئەحمەد موستەفاحەسەن-81كگم- ڕێزا ئێكێ-لاوان.
5- سالار ئەیاز حەسەن-51كگم-ڕێزا دویێ- لاوان.
6- مالك رەجەب موسا-54كگم-ڕێزا دویێ- لاوان.
7- لێهات قادر ئەحمەد- 63.5كگم-ڕێزا دویێ-لاوان.
8- محەمەدئەمیر سەدیق-60كگم-ڕێزا دویێ-لاوان.
9- لاوین مەحفوز ئیبراهیم-71كگم-ڕێزا دویێ-لاوان.
لدۆر ڤێ قارەمانیێ و ئەنجامێن یانەیێن پارێزگەهێ مەحفوز ئیبراهیم ئەندامێ فدراسیۆنا كیك بۆكسینگا ئیراقێ و سەرپەرشتێ قارەمانیێ بۆ رۆژنامەیا ئەڤرۆ گۆت: گەلەك پێخوەشحالبووم ئەڤ قارەمانییە ب شێوەیەكێ سەركەڤتیانە و سەرفەرازی دەربازبووی، ڕێژەیا سەركەڤتنا وێ پێشتر مە 100% دانابوو ژبەركو پارێزگەها دهۆكێ هەردەم یا سەركەڤتییە د مێڤانداریكرنا قارەمانییان دا، هەرتشتەكێ پێدڤی بۆ قارەمانیێ هاتبوو بەرهەڤكرن، سۆپاسییا لژنەیا ئۆلمپی تایێ دهۆكێ، فدراسیۆنا كیك بۆكسینگا پارێزگەهێ و ڕێڤەبەرییا پۆلیسان و ساخلەمیێ و ڕێڤەبەرییا وەرزشی ل پارێزگەها دهۆكێ دكەین كو هەموو هەڤكار و هاریكاربوون، دهۆكێ بۆ هەموو یانەیێن كوردستانێ و ئیراقێ دیار كر باشترین جهە و خالێن سەركەڤتنا هەر قارەمانییەكێ هەنە و هەمیان پەسنا جوانترین مێڤانداری یا پارێزگەهێ كر.
ژلایەكێ دووڤە ناڤهاتی گۆت: ئەڤ قارەمانییە دووماهی چالاكییا مە بوو د وەرزێ 2025ێ دا لێ ب ڕاستی ژی ب هێزترین قارەمانی بوو هاتییە كرن، پشكدارییەكا ئێكچار زوور و هەڤڕكییەكا ئێكجار مەزن د هاتە كرن، دەستخوەشیێ ل یانەیێن پارێزگەها دهۆكێ ژی دكەم كو دیاربوو نڤشەكێ نوو یێ یاریزانێن خودان شیان بەرهەم دئینن و ئەڤە ژی پێشكەڤتنا وەرزشێ یە ل دهۆكێ ب هیڤییا پشتەڤانییا وان بهێتە كرن، گەشبینیە بۆ مە پەیدابوویە كو دێ یاریزانێن بەهرەمەند بۆ وەرزێ 2026ێ هێنە دیتن.
ژلایێ خوەڤە ئاشنا سالح كەكۆ كچە یاریزانا پارێزگەهێ و یانەیا دهۆكێ گۆت: پیرۆزباهیێ ل هەموو یاریزانان دكەم ئەوێن ڕێزێن پێشیێ هاتین تایبەت یێن پارێزگەهێ، هەرچەندە ڕێژەیا كچان گەلەك یا كێم بوو دەستپێكێ دبەرنامەیێ قارەمانیێ دا نەبوو لێ ژ نشكەكێ ڤە هاتینە ئاگەهداركرن كو بتنێ دو یاریزان پشكداربن، سەرباری مە بەرهەڤی ژی نەكربوون لێ ب گۆڕەیی چوونا مە بۆ ڕاهێنانێن سرۆشتی یێن خشتە تارادەیەكی بەرهەڤبووین، ب سەرفەرازی شیام ڕێزا ئێكێ بهێم و مە نوونەراتییا یاریزانێن كچی ێن پارێزگەهێ كر و شیان ببنە قارەمان ، ئێكەم قارەمانی بوو ب پشكدارییەكا زوور یا یاریزانان و هەموو هەڤڕك بوون.
ژلایەكێ دووڤە زێرەڤان سالح دادڤانێ نێڤدەولەتی یێ دهۆكێ گۆت: قارەمانییا كیك بۆكسینگێ یا ئەڤجارە ئێك ژ ب هێزترین قارەمانیێن وەرزێ ئەڤ سالە مە بڕێڤە برین، ل سەر هەردو سیستەمێن فول كۆنتاك و كەی وان كو هەڤڕكییەكا مەزن هەبوو تایبەت ئەوا ل سەر دەپا شەڕی، هەرچەندە ب گشتی ئەم 15 دادڤان بووین ژ وانا سێ یێن پارێزگەهێ بووین، لێ بڕێڤەبرنا یارییان و پشكدارییا نێزیكی 300 یاریزانان كێم نەبووینە، هەرچەوابیت پێخوەشحالبوویم بێ ئاریشە و هنگاڤتنێن مەترسی یاری ب سەلامەتی و سەركەڤتیانە بڕێڤەچوو، یا من پێ كەیف خوەشبوویم سەرهلدانا كۆمەكا یاریزانێن گەنج و خودان شیان ل پارێزگەهێ و ئەڤە ژی خالەكا ئەرێنی یە بۆ پێشكەڤتنا ڤێ یاریێ.
