ئەمریکا رێگری ل ئۆپەراسیۆنەکا مەزن یا ئسرائیلێ کریە
بەرپرسەکێ وەزارەتا بەرگریێ یا ئەمریکا بۆ رۆژنامەیا واشنتۆن پۆست یا وی وەلاتی دیار کریە، ئسرائیلێ بەرهەڤیێن مەزن بۆ ئەنجامدانا ئۆپەراسیۆنەکا مەزن یا ئەسمانی ل بەیرۆتێ کربوو و ئسرائیلێ دڤیا وەسا دربەک مەزن ل حزبوللا لوبنانێ بدەت و گەلەک سەرکردە و کادرێن وێ ژناڤ ببەت، لێ ئەمریکا رێگری ل ئۆپەراسیۆنەکا وەسا کر، چونکی ترامپی گۆتە ئسرائیلێ هەکە هوون کارەکێ وەسا بکەت دێ ب سەدان کەس هێنە کوشتن و دێ ئەو یەک بیتە ئەگەرێ ئالۆزیێن گەلەک مەزن و د هەمان دەمی دا پلانا ئەمریکا یا بۆ ئاشتیێ ل غەزە ژی دێ ژناڤ چیت و وەسا ئەمریکا رێگری ل ئۆپەراسیۆنا ئسرائیلێ کر.
هەمان بەرپرسی ئەو یەک ژی دیار کر، لێ ئسرائیلێ ئەمریکا ئاگەهدار کریە کو دێ ئۆپەراسیۆنێن وان یێن ئەسمانی ل دژی سەرکردەیێن حەماسێ و حزبوللاهێ بەردەوام بن، چونکی هەتا مەترسی ل سەر ئسرائیلێ هەبن دێ ئێرشێن ئسرائیلێ ژی ل دژی حەماس و حزبوللاهێ بەردەوام بن.
