سەمیر عەبدولقادر: دادڤانێ یاریێ بوو ئەگەڕێ خوسارەتییا تیما مە
رەمەزان زەكەریا
د داخویانیەكێ دا سەرۆكێ یانەیا بەردەڕەش ئاشكرا كر یاریا تیما وان بەرامبەر یانەیا شێخان ژ چارچووڤەیێ گەڕا دویێ یا خولا پلا دو یا فوتبۆلا كوردستانێ ب دەستپێكێ ژ ئاستێ دادڤانان گەلەكێ خراب بوو تایبەت دادڤانێ چارێ كو ئەو هۆكارەك بوون بەرانبەر خوسارەتیا تیما وان.
زێدەتر سەمیر عەبدولقادر بۆ رۆژناما ئەڤرۆ گۆت: ل یاریا بەرامبەر یانەیا شێخان یاریزان ل سەر ئاستێ خۆ نەبوون یاریگەهـ ژی هۆكارەكێ دی بوو یێ خوسارەتیا تیما تیمێ كو كارتیكرنەكا نەرێنی و خراب ل سەر ئاستێ یاریزانێن مە هەبوو هەروەسان رووبەرێ یاریگەهێ و ئەو فریزەیێ هاتیە دانان ل وێ یاریگەهێ كارتیكرنەكا دی ل سەر ئاست و شیانێن یاریزانێن مە كربوو، لێ دادڤان ئەگەرێن سەرەكی بوو كو گڤاشتنا دەرۆنی ل سەر یاریزانان دكر.
ناڤبری گۆتژی: ب دانانا پلانەكا باشتر بۆ یاریێن داهاتی و دروستكرنا یاریزانا ب باشترین بەرهەڤی دێ یاریێ بۆ سەركەفتنێ و ب دەستڤەئینانا سێ خالێن یاریێ كەین، ل یاریا بووری ژی ئەگەر ئەو هۆكارێن ناڤ یاریگەهێ دروست نەببان یاریزانا ئاستەنگ بۆ دروست نەببان دا سەركەفتنێ تۆمار كەن، لێ مە باوەری ب تیما یانەیا خوە هەیە كو یاریێن داهی قەرەبۆیا خوسارەتیا چوویی ڤەكەنەڤە.
بۆ زانین ئەڤرۆ دێ دەست ب هەڤڕكیێن گەڕا سێیێ ژ خولا پلا ئێك ب ئەنجامدانا چار یارییان هێنە كرن، یانەیا بەردەڕەش دناڤ ئەرد و یاریگەها خوە دا دێ یانەیا زانكۆیا جیهان مێڤان كەت، ژلایێ خوەڤە یانەیا تەناهی دێ یانەیا شەقلاوە مێڤان كەت، هەولێر- سۆران، بابان- ئاراڕات.
