ب دەست ڤە ئینانا ناسناڤی یا ب سانەهی نەبوو و ئێكەمێ ئیراقێ شانازیێ پێ دكەم
د دیدارەكێ دا كوڕێ باژێرێ دهۆكێ پیرس عەلی كۆچەر یاریزانێ یانەیا سلێمانیێ و هەلبژارتیێ ئیراقێ دیار كر د وەرزێ ئەڤ سالە دا شیا چەندین ناسناڤان ب دەستڤە بینت و یا دووماهیێ ل سەر ئاستێ گشت یاریزانێن ئیراقێ ببیتە قارەمان و ئێكەم و ئەڤە ژی ب سانەهی نە هاتییە.
زێدەتر ناڤهاتی بۆ رۆژنامەیا ئەڤرۆ: ل دووماهییا حەفتییا بۆری قارەمانییا ئیراقێ ل سەر ئاستێ یاریزانان بۆ كت نێزیكی 84 یاریزان پشكداربوون هەموو ژی خودان ئاستێن بلند و هەلبژارتیێن یانەیان و ئیراقێ بوون، هەڤڕكییەكا بهێز دهاتە كرن، هەشت یاریزان ژ پارێزگەها دهۆكێ پشكداربوون، ب سۆپاسی ڤە وەكو كوڕەكێ باژێرێ دهۆكێ ناسناڤێ ئیراقێ ب دەستڤە بینم، پێنەڤێت مە زەحمەتەكا مەزن دیت ب خوە وەستیانێ هەتا گەهشتیمە ئارمانجا خوە.
پیرس عەلی ئەوچەندە ژی دیار كر ب دووماهی هاتنا وەرزێ 2025ێ یا چالاكیێن فدراسیۆنا تێنسا ل سەر مێزێ شانازیێ پێ دكەم بوویمە ئێكەمێ ئیراقێ و ئەڤە ژی بەلگەیە كو ل پارێزگەها دهۆكێ یاریزانێن خودان شیان هەنە و هەموو ب مۆرال و زاخەكا بلند یاریێ دكەن، ئەز سۆپاسییا برایێ خوە د. مەتین عەلی دكەم ئەوێ ڕێنیشاندەرێ من بوویە و گەهشتیمە ڤێ قووناغێ دیسان سۆپاسییا ڕاهێنەرێ خوە بشار رەمەزان دكەم ئێك ژ خەخموورێن سەرەكی یێن ڤێ یاریێ ل پارێزگەهێ.
ل دووماهیێ پیرس عەلی گۆت: بۆ وەرزێ 2026ێ دێ پلانێن باشتر هەبن چو دگەل یانەیا خوە یا نوو یان ژی دگەل هەلبژارتیێ ئیراقێ كو پشكداریێن سەرفەراز بكەن و گەشبینم دێ ل دهۆكێ كۆمەكا باش هێنە دیتن.
