گەرەنتی هەبیت دێ رێککەفتن هێتە کرن
سەرۆکێ ئۆکرانیایێ دیار کر هەڤدیتنا وان ل گەل نوونەرێ تایبەت یێ سەرۆکێ ئەمریکا باش دەرباز بوویە، ئەمریکا ژ بۆ راگرتنا شەڕی و ئاگربەستێ هندەک پێشنیازێن نوو ئاراستەی ئۆکرانیایێ و رۆسیا کرینە، وەکو ئۆکرانیا ئەو نها کار ل سەر پرۆژەیێ ئەمریکا دکەن و د هەمان دەمی دا هەکە ناتۆ و ئەمریکا گەرەنتیێ بدەنە ئۆکرانیایێ ئەو دشێن جارێ ژ بۆ ئەندامەتیا ناتۆ لەزێ نەکەن، لێ ل هەمبەر دا دڤێت گەرەنتی هەبیت کو جارەکا دی رۆسیا ئێرشی ئۆکرانیایێ نەکەت.
زیلێنسکی ئەو یەک ژی دیار کر، ئەو دەست ژ ئاخا خوە بەرنادەن و دڤێت رۆسیا ژی ئەو دەڤەرێن کو داگیر کریە ژێ دەرکەڤیت و رێزێ ل سەروەریا ئۆکرانیایێ بگریت، راگرتنا شەڕی و رێککەفتنا ل گەل رۆسیا نابیت ببیتە ئەگەرێ بهێزبوونا پوتینی، چونکی بهێزبوونا رۆسیا دێ بیتە ئەگەرێ مەترسیەکا مەزن بۆ هەمو وەلاتێن ئێکەتیا ئۆرۆپا.
