مەسرور بارزانی و ئەحمەد ئەلجەربا دوپاتی ل گرنگییا پاراستنا مافێن گەلێ كورد و پێكهاتەیێن سووریێ كر
سەرۆكێ حوكمەتا هەرێما كوردستانێ وسەرۆكێ رەوتێ (الغد) دوپاتی ل گرنگییا پاراستن و رێزگرتن ل مافێن گەلێ كورد و هەموو پێكهاتەیێن سووریێ كر.
حوكمەتا هەرێما كوردستانێ بەیاننامەیەك بەلاڤكر و تێدا ئاماژەكر ل رۆژا سێشەمبی 16/12/2025، مەسرور بارزانی، سەرۆكێ حوكمەتا هەرێما كوردستانێ، پێشوازی ل ئەحمەد ئەلجەربا، سەرۆكێ رەوتێ (الغد) یێ سووری كر.
د بەیاننامەیێدا هاتیە، د دیدارێدا بیر و بۆچۆون ل دۆر دووماهی گوهۆڕین و پێشهاتێن سووریێ و دەڤەرێ هاتنە لێكگۆهارتن.
حوكمەتا هەرێمێ دیاركر ژی، د پشكەكا دی یا دیدارێدا، دووپاتی ل گرنگییا پاراستن و رێزگرتن ل مافێن گەلێ كورد و هەموو پێكهاتەیێن سووریێ هاتە كرن.
