پەیكەرەك بۆ هونەرمەند (د. دلشاد محەمەد سەعید) هاتە چێكرن
زنار تۆڤی:
پەیكەرساز (بەشیر ناسری) پەیكەرەك بۆ هونەرمەند(د. دلشاد محەمەد سەعید) ی چێكریە و د دیدارەكێ دا بۆ رۆژنامەیا ئەڤرۆ دبێژیت: من ئەڤ پەیكەرە ب حەزا خۆ چێكریە، ئانكو ل سەر داخوازا چ كەس و لایەنان نەبوویە، بەلێ هەكە ئالییەك داخواز بكەت، دێ ڤی پێشكێشی وان كەم.
ناڤهاتی گۆت: هونەرمەند (د.دلشاد محەمەد سەعید) ئێكە ژ وان كەسایەتیێن گرنگ كو خزمەتەكا مەزن بۆ مۆزیكا كوردی كرییە و كەسەكێ ئەكادیمی یە و كاریگەرییەكا زۆر ل سەر هونەرمەندێن سەردەمێ خۆ و یێن نوكە ژی هەیە، من ئەو پەیكەر ژ كەرەستێ فایبەر گلاسی چێكریە و هەكە من شیان هەبان دا ب (برۆنزی) چێكەم ، بلنداهیا وی مەترەك و نیڤن و من د دەمێ سێ هەیڤان دا چێكریە و ل دەمێن بهێت ژی دێ پەیكەرەكێ بۆ هونەرمەندێ وەغەركری موجتەبا میرزادە چێكەم، هەروەسا پشتی سەرسالێ دێ پێشانگەهەكێ ژی ل پاركا شانەدەر ل هەولێرێ ڤەكەم.
ناڤهاتی، خەلكێ باژێرێ پاوەیە ل رۆژهەلاتێ كوردستانێ، دەرچوویێ پشكا شێوەكاریە ل زانكۆیا تەهرانێ ل ئیرانێ، بەری نوكە پەیكەر بۆ چەندین هونەرمەند و هەلبەستڤان و كەسایەتیێن ناڤدار چێكرینە، ژوانا(مەزهەرێ خالقی، شێركۆ بێكەس، هەژار موكریانی، پیرەمێرد، مەولەوی، بێسارانی، شەهرام نازری، محەمەد رەزا شەجەریان، میرزا شەفیعی پاوەیی و خالۆ حسێنی كێوكەنی چێكرینە،
