د خولا پلا ئێكێ یا كوردستانێ دا دهۆك چاڤ ل سەركەڤتنا دویێ یە
چاڤەڕێ دهێتە كرن ئەڤرۆ ل دەمژمێر دو یێ پشتی نیڤرۆ چار یاری ژ هەڤڕكیێن گەڕا چارێ یا خولا پلا ئێكا كوردستانێ یا فوتبۆلێ بهێنە ئەنجامدان، یانەیا دهۆك ل یاریگەها خوە دێ یانەیا بابان مێڤان كەت، شۆرجە دێ مێڤاندارییا كۆیە كەت، ئاڕاڕات و چەمچەمال دێ مێڤاندارییا بازیان و هەولێر كەن.
د سێ گەڕێن بۆری دا تیما دهۆكێ سەركەڤتن ل سەر كفری ئینابوو ب دو گۆلێن پاقژ، دگەل ئاڕاڕات ب گۆلەكێ وەكهەڤبوو، گەڕا سێیێ یا چاڤەڕێ كری بوو، ژلایێ خوەڤە د سێ گەڕێن بۆری دا بابان دگەل شەقلاوە 3-چنە خوسارەت بوو، دگەل و كفری 1-1 وەكهەڤبوو، د گەڕا سێیێ دا سەركەڤتن ل سەر ئاڕاڕات ئینابوو ب3-چنە) گۆلان.
ل دۆر دووماهی بەرهەڤیێن تیما دهۆكێ هەرمان سالح ڕاهێنەرێ تیمێ دیار كر، بەرهەڤیێن وان بۆ ڤێ یاریێ د ئاستەكێ باش دانە و گۆت: وەرزێ ئەڤ سالە مە پلان دانایە ئەم پلێتا دەربازبوونێ بۆ نایابا كوردستانێ ب دەستڤە بینن، لەوما ژی هیڤی و ئارمانجێن مە ئەوە ئەم بەردەوامیێ بدەینە سەركەڤتنا بۆ گەهشتنا ڤێ ئارمانجێ، كارگێرییا یانەیێ دگەل مە ژی گەلەك هاریكار و پشتەڤانن و ئەڤە ژی دێ بیتە خالەكا گرنگ و ئەرێنی بۆ سەركەڤتنان.
هەروەسان ناڤهاتی دیار كر خولا پلا ئێك ب هێزترە ژ یا نایابێ، ژبەركو پراتییا یانەیێن پشكدار هەڤڕكیێ بۆ ب دەستڤە ئینانا دو پلێتێن دەربازبوونێ دكەن، دیسان ژ ترسا پاشڤەچوون بۆ پلا دو هەموو یانە دێ بزاڤێ كەن خوە ژ مەترسییا وێ پارێزین و دوور كەڤن، من باوەری ب شیانێن یاریزانێن خوە هەیە و یارییا ئەڤرۆ ژی ب سانەهی نابیت لێ ڕژدین ل دووڤ پلانێن خوە بەردەوامبن.
