گرێبەستا ڤیگۆلی هاتە هەلوەشاندن
كارگێرییا یانەیا ئەمانەت بەغدا ب فەرمی گرێبەستا پیشەكارێ خوە یێ جەزائیری سوفیان ڤیگۆلی هەلوەشان، پشتی بۆرینا حەفت گەڕان ژ هەڤڕكیێن خولا ستێرێن ئیراقێ یا فوتبۆلێ و بڕیارا هەلوەشاندنا گرێبەستا یێ تونسی ژی حەمدی ئەلعوبێدی ب ڕازیبوونا هەردو لایان دایە.
ژێدەرەكێ نێزیك ژ یانەیا ناڤهاتی گۆت: ژبەر ئەگەرێن هونەری و كارگێری یانەیا ئەمانەت بەغدا نەچاربوو گرێبەستا هەر ئێك ژ یێ جەزائیری سوفیا ڤیگۆلی و یێ تونسی حەمدی ئەلعوبێدی ب هەلوەشینیت و هەر مافەكێ گرێدایی ب یاریزانان بۆ هاتە دابینكرن و سۆپاسییا هەردو یاریزانان هاتە كرن، ئەڤچەندە هات پشتی نەرازیبوونێن جەماوەری ل سەر ئاستێ هەردو یاریزانان تایبەت ڤیگۆلێ ئەوێ ل سەر ئاستێ خولا ئۆرۆپا یاری كرین لێ یا پێدڤی دگەل تیما وان نیشان نەدابوو.
بۆ زانین ئەڤرۆ یانەیا ئەمانەت بەغدا دێ یارییا خوە یا گەڕا هەشتێ بەرانبەر یانەیا نەورۆز ل باژێرێ سلێمانیێ كەت و هەولێر دێ بیتە مێڤانا یانەیا دیالا ژ خولا ستێرێن ئیراقێ.
