پێدڤی یە سترانبێژی کەسایەتیەکا ب هێز هەبیت
بێوار حەمدی:
سترانبێژێ گەنج (سالح کۆچەر) د دیدارەکێ دا بۆ ڕۆژناما ئەڤرۆ دیارکر کو بۆ دەمەکێ درێژە ئەو سترانان دبێژیت، بەلێ هەتا نوکە ئێک کلیپ هەیە کو دەربڕینێ ژ فولکلۆرێ کوردی دکەت.
ناڤهاتی هێشتا گۆت: ژمێژەیە ئەز سترانان دبێژم، بەلێ هەتا ڕاددەیەکی یێ دیارنەبووم، بەلێ ل ڤێ دووماهیێ ب پاڵپشتیا هونەرمەندێ مەزن “حەسەن شەریف”ی پتر هاتمە د ناڤ گۆڕەپانا هونەری دا، هەتا نوکە دەرکەفتنامن ل کەنالێن راگەهاندنێ و د ناڤ سوشیالێ دا هەتا رادەیەکی یا لاوازە لێ ب حەزکرنا خودێ بۆ پاشەرۆژێ دێ پتر بمە کەسەکێ دیار د ناڤا جڤاکی دا.
سترانبێژ سالح کۆچەر دبەردەوامیا ئاخفتنا خوە دا دیار کر کو پێدڤیە سترانبێژ بەردەوام خوە ئابدێت بکەت و دگەل نوویاتیان بگۆنجیت، چونکۆ خەلکێ مە حەز ژ تشتێ نوی و سەرنج ڕاکێش دکەت، هەروەسا گەلەک ساخلەت هەنە کو سترانبێژی بەردەوام بەر ب پێشڤە دبەن وەکو (پێدڤیە خودان کەسایەتیەکا بهێزبیت و ڕەوشتەکێ جوان هەبیت دگەل خەلکی).
ل دووماهیێ ناڤهاتی دیار کر کو هندەک جاران سترانبێژ سترانێ ژناخی خوە دەردئێخیت و جاران ژی ل دووڤ داخوازیا خەلکی سترانان دبێژیت، ژ بەر کو سترانبێژ مولکێ خەلکی یە و گۆت: بۆ داهاتی من نیازا دوو ڤیدیۆ کلیپێن نوو هەیە کو دەربرینێ ژ تشتێ نوی و سەردەم دکەن.
