شیرەتکارێ ئەردۆغانی هۆشداریێ ددەت
محەمەد ئۆچووم شیرەتکارێ سەرۆک کۆمارێ تورکیا دیار کر، قووناغا نها یا ئاشتیێ گەلەک هەستیارە و ئارمانجا وان ئەوە ل تورکیا شەڕ و توندوتیژی نەمینیت و بێگومان دەمی شەڕ نەما وی دەمی دێ کار بۆ پێشڤەبرنا دیموکراسیێ ل تورکیا کەن، نابیت هندەک کەس ژ بۆ پێشڤەبرنا دیموکراسیێ ل تورکیا مەرجان دیار بکەن.
شیرەتکارێ ئەردۆغانی بێی کو ناڤێ کوردان بینیت دیار کر، هندەک ئالی داخوازیێن وان یێن مەزن هەنە، ئەو یەک دێ بیتە ئەگەرێ ژناڤچوونا قووناغا ئاشتیێ، نابیت هندەک داخوازیێن وەسا بهێنە کرن کو بجهئینانا وان یا زەحمەت بیت، ئەو یەک دێ ئاریشەیێن مەزن ژ بۆ تورکیا دروست کەت.
ناڤهاتی ئەو یەک ژی دیار کر، کۆمسیۆنا ئاشتیێ دێ راپۆرتەکێ ئاراستەی پەرلەمانی کەت و دێ تێدا هندەک پێشنیاز هێنە کرن، بێگومان دڤێت پێشنیاز و داخوازی ژی ل گۆر دستوورێ تورکیا بن، نابیت مەترسی ل سەر دستووری دروست بن، چونکی رەوشەکا هەستیار هەیە و دڤێت هەموو ئالی ژی ڤێ بزانن.
