سارا راشد: ئەڤ یارییە تایبەتمەندە و مفایێن باش بۆ وەرزشڤانێن کچ هەنە
دلۆڤان هالۆ:
د دیدارەکێ دا کچا باژێڕێ زاخۆ سارا ڕاشد بۆ ڕۆژناما ئەڤرۆ دیارکر ئەوێ شیا ڕێزا ئێکێ د قارەمانیا هێپ پرێس دا بینت ئێک ژ یاریێن پارسەنگی بۆ کێشا ٥٦کگم و شیا ١٣٠کگم بلندبکەت، د هەڤڕکیێن قارەمانییا پارێزگەهێ دا هاتیە کرن
هەروەسان ناڤهاتی گۆت: ب دەستڤەئینانا ناسناڤی هەستەکێ گەلەك خۆش بوو ب زۆری من شیا خۆ راگرم کو نەکەمە گری، ڤێ سەرکەفتنێ کارتێکرنەکا مەزن ل من کر کو ئەز زەحمەتیێن خۆ بدەمە لایەکێ و یا بەردەوام بم ب تایبەت بۆ قارەمانیێن نێڤدەولەتی، وەکو نوونەرا پارێزگەهێ و ئیدارا سەربەخۆ دێ پشکداری د قارەمانیان داکەم، پێشتر من وەرزش کرییە لێ د ژیێ سالیێ چوومە هۆلا لەش جوانیێ، وەکو کچا ئێکانە یا زاخۆ من پشکداری د تاقیکرنێن ڤێ یاریێ کربوو و شیام سەرکەڤم وەکو ئەنداما تیما کچام من بەرهەڤی بۆ قارەمانیێن بلند کرنا ئاسنی کریە.
ژلایەکێ دووڤە سارایێ گۆت: پشتەڤانا ئێکێ بۆ من کاپتن نەرمین زێباریە، ئەز ب مەرەما ڕاهێنانان چوومە هۆلا وێ یا لەش جوانیێ، لێ گەلەك پشتەڤانییا من کر کو پتر حەز ژ وەرزشێ بکەم ب تایبەت ڕاکرنا ئاسنی، هەروەسا خێزانا من ژی گەلەك هاریکاریا من کرییە ب تایبەت دەیك و بابێن من و خالێ من.
وەرزشڤانا کچ گۆت: پشتی من ئەڤ جۆرێ وەرزشێ هەلبژارتی باوەری بخۆبوونا من زێدەتر بوو، یارییەکا تایبەتمەندە ئەز ب هێزتربوون کو ژ چ ئاستەنگان نە ترسم، ژبلی کو ڕاهێنانێن ڤێ یاریێ لەشەکێ ساخلەم ب مرۆڤی د بەخشیت، ژ لایێ دەروونی ژی ڤە مرۆڤی ئارام دکەت، ئانکو مرۆڤی چەند ئێش و ئازار هەبن و یێ تۆڕە بیت ب بلند کرنا ئاسنی ئەو هەمی دچن، ژبەر هندێ من ئەڤ جۆرێ وەرزشێ هەلبژارت، ئەڤ جۆرێ وەرزشێ گەلەك یا ب زەحمەتە چونکی ژبەر پوینتەكێ د کێشا لەشێ مرۆڤی دا وە دکەت مرۆڤ ب مەهان ڕاهێنان بکەت و خۆ ماندی بکەت، هەر دیسان خۆ دوور بکەت ژ هندەك جۆرێن خوارنان، هندەك جاران بۆ من گەلەك یا ب زەحمەت بوو چونکی دڤێت کێشا لەشێ مرۆڤی دەستنیشان کری بیت بۆ ڤێ وەرزشێ.
ناڤهاتی گۆت ژی: هەتا نوکە چ هاریکاریا من نە هاتیە کرن، ئەز بخۆ هاری خۆ دکەم، ئەڤ جۆرێ وەرزشێ پێدڤی هاریکاریەکا مەزنە ژ لایێ ئیدارا سەربخوە یا زاخۆ ڤە ب تایبەت بۆ کچان، بلا بتنێ گرنگی ب جۆرەکێ وەرزشێ نەهێتە دان کو بتنێ فوتبۆل بیت و خویاکر کو ل سالا هێپ پرێس هاتیە دامەزراندن ل دهۆکێ، ئەڤە گەڕا شەشێ یا هێپ پرێس بوو، ل دەستپێکا سالا بهێت دێ قارەمانیا ڕاکرنا ئاسنی ل سەر ئاستێ کۆلیژێن زاخۆ هێتە ئەنجامدان بتنێ بۆ قوتابیێن کچ ژ هەموو بەشان.
