ئسـرائیل بەرهـەڤیان بۆ ئێرشەکـا مـەزن دکـەت
ئاژانسا (ئێن بی سی) یا ئەمریکی دیار دکەت، ئسرائیل بەرهەڤیان بۆ ئێرشەکا مەزن ل دژی ئیرانێ دکەت، چونکی بەرپرسێن ئسرائیلێ وەسا دبینن هەکە بلەز دربەکا مەزن ل ئیرانێ نەدەن دبیت ئیران چەکێ گران و مەترسیدار بدەتە گرۆپێن چەکدار ل لوبنانێ و یەمەنێ و ئەو گرۆپێن چەکدار ژی دشێن ب چەکێ گران یێ ئیرانێ مەترسیێن مەزن بۆ ئسرائیلێ دروست بکەن و ژ بەر ڤێ یەکێ ژی ئسرائیلێ دڤێت بەری ئیران کارەک وەسا بکەت ئێرشی ئیرانێ بکەت.
ئەو یەک د دەمەکێ دایە کو بەری چەند رۆژان بەرپرسەکێ وەزارەتا دەرڤە یا ئەمریکا ژی دیار کربوو نەتانیاهۆ دەست ب بزاڤەکا مەزن کریە دا ترامپی رازی بکەت، چونکی هەتا نها ژی ترامپ رازی نینە کو ئسرائیل ئێرشی ئیرانێ بکەت و ئەمریکا وەسا دبینیت ئێرشەکا نوو یا ئسرائیلێ دێ بیتە ئەگەرێ ئالۆزیێن گەلەک مەزن و ب تایبەتی ژی دێ پلانا ئەمریکا یا بۆ غەزە ژناڤ چیت، لێ بەرپرسێن ئسرائیلێ ب هەموو رەنگەکێ کار دکەن دا ترامپی رازی بکەن.
