ئاڤا میدیا بوویە دەولەتەكا ڕاگەهاندنا كوردی
دلۆڤان هالۆ
ئاڤا میدیا كەنالێ ئێكێ یێ ڕاگەهاندنا كوردی بوویە كو د دەمەكێ گەلەك كورت دا نە بتنێ درووشمێ خۆ یێ (نەكڕاوە، نەبینڕاوە) كریە كریار، بەلكو ژ درووشمێ خۆ ژی دەربازكریە، ب بۆچوونا من پێدڤیە ئێدی درووشمێ خۆ بكەنە (مە پێدڤی ب چ درووشمان نینە، چونكی نوكە ئەم دەولەتا ڕاگەهاندنا كوردینە).
ئاڤا میدیا بوویە مێهڤانەكێ خۆشتڤی و بەردەوام یێ هەر مالەكێ، بوویە دەنگ و ڕەنگێ هەموو خەلكێ كوردستانێ، لەوما ب سەدان ئاریشەیێن وەلاتیان ئازراندینە و د دەمەكێ كێم دا هاتینە چارەسەركرن ب تایبەت (ئاڤا بەهدینان) و بەڕنامەیێ (ڕابن ژ خەوێ) شیایە گەلەك گلە و گازندە و ئاریشەیێن وەلاتیان بگەهینیتە لایەنێن پەیوەندیدار و بهێنە چارەسەركرن، و بەردەوامە ژی ل سەر ڤێ چەندێ.
ئاڤا میدیا خۆدانا پەیامنێر و پێشكێشكارێن هەڕی زیرەك و خۆدان شیانن، هەروەسا گەلەك خۆشتڤینە ل دەف خەلكێ ب تایبەت ئێك ژ وان پێشكێشكاران (هەوراز گۆلپی) كو خەلك ڕۆژانە ل دەمژمێر حەفتی ئێڤاری دمینیتە ل هیڤیا هاتنە خوارا وی بۆ ناڤ ستۆدیۆیێ و پێشكێشكرنا نووچەیان، هەروەسا چەندین پێشكێشكارێن دی وەكو (سورەیا هەساری و خەلۆ و جەلۆ) و پەیامنێرا ئاڤا بەهدینان (شەرمین سەلمان).
ئاڤا میدیا خودان ڕێسا و دەستوورێ خۆ یێ تایبەت یێ ڕۆژنامەڤانیە، لەورا نڤیسینا نووچە و ڕاپۆرتێن وان ب شێوەیەكێ جیاواز و كورت و پۆخت دهێنە نڤیسین، و هەروەسا ڕاپۆرتێن وان یێن ڤیدیۆیی ژی ب شێوەیێ دوو پەنجەرە دهێنە ئامادەكرن، ئەڤێ چەندێ ژی وەركرییه كو بینەر خۆشیەكا تایبەت ژ كارێ وان ببینیت.
ژ تشتێن سەرنج ڕاكێش یێن ئاڤا میدیا ئەوە كو خۆدان هەموو پێدڤیێن خۆ یێن تایبەت یێن ڕۆژنامەڤانی نە و لۆگویێ وان ل سەرە، و ب دیزاینەكا جوان و كوالیتیەكا بلند دهێنە دروستكرن وەكو (ئێلەك، چاكیت، سیهوانە، كۆپ…هتد)، ئەڤێ چەندێ ژی وەكریە كو ل هەر جهەكێ ئاڤا میدیا هەبوونا خۆ بسەلمینیت.
