یاریێن گەڕا حەفتێ هاتنە ڕاوەستاندن و دەرگەهێ ڤەگوهاستنان ڤەبوو
فدراسیۆنا فوتبۆلا كوردستانێ بڕیارا ڕاوەستاندنا یاریێن گەڕا حەفتێ ژ خولا پلا ئێك یا وەرزێ 2025-2026ێ دەركر و ئەگەرێن ڤێ بڕیار ژی دانە دیاركرن و ژلایەكێ دووڤە دەرگەهێ ڤەگوهاستنێن یاریزانان ب چەند ڕێنمایان بەلاڤكرینە.
د ڕاگەهاندنا خوە دا بەلاڤكرییە، یاریێن گەڕا حەفتێ ژ خولا پلا ئێك بۆ دەمەكێ دی هاتنە پاشئێخستن ئەوا پێنچ یانەیێن پارێزگەهێ ژی دگەل دا پشكدارن و ئەگەر بۆ گەش و سەقایێ سار و هاتنا بەفر و باران تایبەت ل هندەك دەڤەرێن جودا كود بیت مەترسی ل سەر سلامەتییا یاریزانا هەبیت، هەروەسان ژبەر نە ئامادەبوونا هندەك یاریگەهێن فوتبۆلێ كو كاریگەرییا بارانا زیان ب ئەردێ وێ كەڤتیە.
ژلایەكێ دووڤە دیار كر ژبەر هەبوونا چالاكیێن كارگێری و هونەری خول هاتیە راوەستاندن كو دێ خولەكا تیۆری و پراكتیكی بۆ ڕاهێنەرێن گۆلپارێ.ان هێتە دانان، ئەنجامدانا كۆپەر بۆ دادڤانێن كوردستانێ، ڕێكخستنا خولبەكا تایبەت بۆ سەرپەرشتێن یارییان.
هەروەسان فدراسیۆنێ بڕیار دا دەرگەهێ ڤەگوهاستنا یاریزانان هەر ژ 10ێ هەتا 20ێ ڤێ مەهێ یێ ڤەكری بۆ خولێن پلا نایاب، پلا ئێك و دو ب چەند ڕێنمایان و ب خالێن سەرەكی داناینە ژ وانا، بۆ خولا نایاب 35 یاریزانان دناڤ لیستێ دا بن، پلا ئێك 33 یاریزان دناڤ لیستێ دا، ئینان و دوورئێخستنا هەر یاریزانەكی دڤێت ئەستۆپاكی یا یانێ هەبیت، یاریزان دشێت دناڤبەرا هەرسێ خولان دا ڤەگوهاستنێ بكەت، هەر یاریزانەكێ سزادایی بیت دگەل یانەیا خوە یا پێشتر دێ ئەو سزا ل سەر مینن، گوهۆڕینا ناڤونیشانان دڤێت بنڤێسارا فەرمی و لیستێ دا بهێتە گوهۆڕین، هەكە ستاڤێ هونەری( راهێنەر- سەرپەرشتیار- ڕێڤەبەر) بیت ببیتە یاریزان، یان یاریزان بیت ببیتە ستاڤەكێ هونەری، لێ هەكە ئەندامێ كارگێریێ بیت ببتە یاریزان یان راهێنەر دڤێت ب نڤێسارا فەرمی بدەتە ڕێڤەبەرییا وەرزشی بۆ دەستكاركێشانێ بەری ببیتە ستاڤێ هونەری یان یاریزان.
