رۆژانە ١٦ قوتابیێن گوندێ دزۆك بۆ قوتابخانەیێ ب پێیان خوە ل رووباری ددەن
رەمەزان زەكەریا
ب دلەكێ مەزن و تژی هیڤی رۆژانە دەما دگەهن سەر لێڤا ئاڤێ پێلاڤ و گورێن خوە دئێخن و بەرەڤ قوتابخانێ ڤە دچن، بەلێ نە پر هەیە و نە ژی رێیەكا پاراستی، ب تنێ ئیرادە هەیە كو دناڤ ئاڤا سار و مەترسیدار دا بەرەڤ پاشەرۆژا خوە دچن.
د وەرزێ زڤستانێ و باران بارینێ دا، ئاستێ ڤێ ئاڤێ بلند دبیت و رێیا خواندنێ ل وان دهێتە گرتن. ئەوێن دشێن دەرباز بن ژی، دڤێت ب جلوبەرگێن تەر و لەشەكێ لەرزۆك ژ سەرمایێ، ل سەر كورسیێن خاندنێ روونن.
ناسح ئەحمەد، قوتابی یە و بۆ ئەڤرۆ گۆت: رێیا مە یا چەندین سالایە وەكی باران دهێت ئاستێ ئاڤێ بلند دبیت و گەلەك جاران هەڤالێن مە ب ئاڤێ دا چوینە مە ب زۆری ژ ئاڤێ ئیناینە دەر.
خورشید نەجار، سەمیانێ قوتابیەكێ یە و بۆ ئەڤرۆ گۆت: رۆژانە دەما زارۆیێن مە دچنە قوتابخانێ، دلێ مە یێ ل دووڤرا و ئەگەر رۆژەكێ تشتەك ب سەرێ وان بهێت، سپێدێ دچن ئەم نزانین كا دێ نیڤرۆ ب سەلامەتی ڤەگەرنە مالێن خۆ یان نە چەند جاران بەربۆینە و دەستێ وان شكەستینە رێكەكا گەلەك مەترسیدارە، رێ یا نێزیكە رێكا پتر ژ دەمژمێرەكێ بۆ وان نێزیك كریە، بەلێ ئاڤێ ئاستەنگ بۆ وان دروستكریە.
د.دلاوەر بۆزۆ دەڤەردارێ ئاكرێ بۆ ئەڤرۆ گۆت: گوندێ دزۆك دكەڤیتە دناڤبەرا ناوچەداریێن گردەسێن و بجیل ئەو هەموو قوتابی زارۆك كەسوكارێن مەنە، سۆزێ دەین كو ب زووترین دەم ڤێ ئاریشێ چارەسەر بكەین.
گوندێ دزۆك ١٢ كم ژ ئاكرێ دورە، ژبەر نەبۆنا قوتابخانێ ل پۆلا حەفتێ هەتا پۆلا ١٢ێ ئامادەیی ژبەر كێمیا هژمارەیا قوتابیان ترۆمبێلێن ڤەگوهاستنێ بۆ وان ناهێنە دابینكرن.
