ل زاخۆ فرۆتنا كەلوپەلان ل جوانكاریان هاتـە قەدەغەكـرن
زاخۆ، دلۆڤان هالۆ:
كۆڤان ئاڤدەل، ڕێڤەبەرێ چاڤدێریا بازرگانی ل ئیدارەیا سەربخوە یا زاخۆ بۆ ڕۆژناما ئەڤرۆ دیاركر كو وان بڕیار دا ل ئیدارەیا سەربخوە یا زاخۆ فرۆتنا كەلوپەلێن جوانكاریێ ل جوانكاریان بهێتە قەدەغەكرن.
ڕێڤەبەرێ چاڤدێریا بازرگانی ل زاخۆ ئاماژە ب وێ چەندێ ژی كر كو ل سەر وی بنەمایی مۆلەت بۆ وان جوانكاریان هاتیەدان، كو كارێ جوانكاریێ بكەن، نەكو كەلوپەلێن جوانكاریێ بفرۆشن و گۆت: «هەر جوانكاریەكا كەلوپەلێن جوانكاریێ بفڕۆشیت دێ هێتە سزادان».
گۆتژی: «ئەگەر جوانكاریەكێ بڤێت كەلوپەلێن جوانكاریێ بفرۆشیت، دڤێت مۆلەتەكا دی یا فەرمی یا فرۆتنا كەلوپەلێن جوانكاریێ بۆ جهێ خوە وەربگریت».
