ترامپ: ئیران داخوازا دانوستاندنان دکەت
دۆنالد ترامپ سەرۆکێ ئەمریکا دیار کر، ئەمریکا هێزێن زێدەتر رەوانەی رۆژهەلاتا ناڤین کریە و راپۆرتێن باش ژی ل ئیرانێ گەهشتینە دەستێ ئەمریکا کو نیشا ددەن رەوشا ناڤخوەیی یا ئیرانێ گەلەک خرابە و دەستهەلاتا نها یا ئیرانێ ژی گەلەک لاوازە، لێ د خوەنیشادانێن ڤێ دووماهیێ ل ئیرانێ دا ب هزاران کەس هاتینە کوشتن و ئەو یەک ژی ناهێتە قەبوول کرن.
سەرۆکێ ئەمریکا ئەو یەک ژی دیار کر، ئیرانێ داخوازا دانوستاندنان ژ ئەمریکا کریە، لێ نها رەوش گەلەک ئالۆزە و رەنگە بژاردەیا دانوستاندنان یا ئالۆز بیت و ئەمریکا نەچار بیت دەستێوەردانێ بکەت.
ل ئالیێ دی فاتمە موهاجرانی پەیڤدارا حوکمەتا ئیرانێ ژی دیار کر، وەکو ئیران وان دڤێت پرسێن هەی ل گەل ئەمریکا ب رێیا دانوستاندنان چارەسەر بکەن و هەکە ئەمریکا بزاڤا ئێرشەکا سەربازی ل سەر ئیرانێ بکەت ژی هەموو هێزێن ئیرانێ د ئامادەباشیێ دانە و دێ ب توندی بەرسڤا هەر ئێرشەکا ئەمریکا دەن.
