ل ئاكرێ وانەیا هونەری ل قوتابخانەیان ب پراكیتكی دهێتە خواندن
ئاكرێ، رەمەزان زەكەریا
دەمێ دو سالایە قوتابخانا سەرهلدان یا بنەرەت ل ئاكرێ هاتیە دامەزراندن، بەلێ گرنگیدانا قوتابخانێ ب وانەیا هونەرێ دەنگڤەدایە و بوویە جهێ دلخۆشیا قوتابیان، ژبەركو وانەیا هونەری ل پتریا قوتابخانەیا وەك پێدڤی ناهێتە خواندن و گرنگی پێ ناهێتە دان، بەلێ ل قوتابخانەیا سەرهلدان قوتابی ب پراكیتكیی وانەیا هونەرێ دخوینن و فێری ئامێرێن مۆزیكی دبن.
ئەحمەد شێروان، قوتابیە ل قوتابخانا سەرهلدان بۆ ئەڤرۆ گۆت: ب وانەیا هونەرێ ئەم پتر كەیڤ خۆش دبین، ئەم هەموو زۆر كەیڤ خۆش دبین ب وانەیا هونەر و وەرزشێ و ئەم یاریا تەپاپێ دكەین و ئەم مۆزیكێ دژەنین، ئەم بینەریا وێنە و كەڤالێن هەڤالێن خۆ دكەین و ئەم وێنەیێن گەلەك جوان دروست دكەین.
ڤەژین شەعبان، ماموستایا هونەرێ ل قوتابخانا سەرهلدان بۆ ئەڤرۆ گۆت: هونەر چەند پشكە و ئەم ل قوتابخانێ هەموو شكا ل دۆر شیانێن قوتابیان دخوینین، هەموو پشكا نیشا قوتابیان ددەم بۆ نموونە شانۆ یان مۆزیك یان چیرۆك ل دووڤ شیانێن خۆ نیشا قوتابیان ددەم و بۆ وان شرۆڤە دكەم.
نەجمەدین شاهـ سەلیم، رێڤەبەرێ قوتابخانا سەرهلدان بنەرەت بۆ ئەڤرۆ گۆت: گرنگیدان ب وانەیا پەروەردا هونەری واتە گرنگیدانە ب قوتابیێن خودان بەهرەیێن جودا جودا، بێ شك هەر قوتابخانەكێ ژمارەیەكا زۆرا خودان بەهرەیێن جودا هەنە وەك شانۆ مۆزیك و وێنەكێشان و كارێن دەستی، ل قوتابخانەیا سەرهلدان مە دەلیڤە دروستكریە بۆ قوتابیان كو بەهرەیا خۆ ب پراكتیكی ئەنجام بدەن.
