دەزگەهێ خێرخوازیێ بارزانی ئێكەم كاروانێ هاریكاریێن خۆ گەهاندە حەلەبێ
رەمەزان زەكەریا:
د چارچوڤێ هاریكاریێن مرۆڤی یێن دەزگەهێ خێرخوازیێ بارزانی دا بۆ رۆژئاڤایێ كوردستانێ، دوهی 31/1/2026 ئێكەم كاروانێ هاریكاریێن خۆ گەهاندە باژێرێ حەلەبێ.
ئەڤ كاروانە ب مەرەما پشتەڤانیكرنا خێزانێن ئاوارە، ل سەر 600 خێزانێن گەڕەكێن شێخ مەقسود و ئەشرەفیە دا هاتە بەلاڤكرن.
هاریكاری ژ ڤان كەرەستەیان پێكهاتبوون: بەتەنی و دۆشەك، سەلا خوارنێ، سەلا كەرەستێن پاقژكەر، شیر و دایبی.
مەرەم ژ ڤان هاریكارییان بەردەوامی و دلسۆزییا دەزگەهێ خێرخوازیێ بارزانی یە بۆ پشتەڤانیكرنا خێزانێن ئاوارە و دابینكرنا پێدڤیێن وان.
