شیشار ئەسوەدی سترانا بەرخۆدانا رۆژئاڤا بەلاڤكر
زنار تۆڤی:
سترانبێژ (شیشار ئەسوەد) نووترین سترانا خۆ ب ناڤێ (بەرخۆدانا رۆژئاڤا) كو پشتەڤانیەكە بۆ رۆژئاڤایێ كوردستانێ، ل سەر كەنالێ خۆ یێ یوتیوبی دا بەلاڤكر.
ناڤهاتی بۆ رۆژنامەیا ئەڤرۆ گۆت: بەرخۆدانا رۆژئاڤا نووترین كارێ منە وەك پشتەڤانییەك بۆ كوردێن رۆژئاڤا، ئەڤ بەرهەمە ژ پەیڤ و ئاوازێن وشیار ئەحمەدی نە، كارێ مۆزیك و میكس و ماسترینگێ ژ لایێ كاروان تەیفور ڤە بۆ هاتیەكرن، هەروەسا ئەڤ سترانە پشتەڤانیا منە بۆ خووشك و برایێن مە ل رۆژئاڤایێ كوردستانێ. هەروەسا گۆت: تەخا هونەرمەندان د هەموو رەوشان دا رۆل و ئەركی خۆ بجه ئینایە و هەردەم پشتەڤانێن گەل و وەلاتێ خۆ بووینە، ب رێیا هونەرێ خۆ ئەم ژی پشتەڤانیێ ل گەل و وەلاتێ خۆ دكەین، دیسا ئەز ژی وەك سترانبێژەك ب رێیا ڤی بەرهەمی، هەموو پشتەڤانیا خۆ بۆ كوردێن رۆژئاڤا دوپات دكەم و ئەز پشتراستم كو سەركەفتن هەر بۆ كوردایە، چونكی گەلێ كورد یێ ئێكگرتیە و ئەم هەموو كورد یێن بووینە ئێكرێز و ئەم دێ هەر سەركەڤین.
شیشار ل سالا 1989 ل باژێرێ كەركووكێ ژ دایك بوویە، مۆزیكژەن و سترانبێژە، هەتا نوكە چەندین بەرهەمێن هونەری بەلاڤ كرینە.
