ئەنفالێن ڕەش نەخۆشترین رۆژێن ژیانا من بوون
سالار محەمەد دۆسكی:
3-7
دووڤدا رێكخراوا شەهید(فەریق) هاتەدانان بوومە بەرپرسێ وێ و بەرپرسێ شانەكادی (ئەحمەد تەلوەیی) بوو ئەو ژی ل گەل مە دا بوو و پشتی مە پەیوەندی ب پێشمەرگەی كرین ئەو نەهاتن، ئاشكرابوونا مە كو باراپترا مە چالاكیێن بەرچاڤ هەین ئەم ئەو كەس بووین یێن دا خوپیشاندانەكێ ل دهۆكێ دروست كەین و پێشتر من ناڤێن وان گۆتینە و ئەوێن سەر ب شانا (ئەحمەد تەلوەی) ڤە ئەو جودا بوون و ئەو هێلەكا دی بوون و كارێ وان زێدەتر هاتن و چوون كرن و ئەگەر پێدڤی یان و ئەوێن پەیوەندیێ ب پێشمەرگەی دكەن ئەوا هاریكاریا وان دكر كاودانێن گەلەك نەخوش بوون و سالێن 1978 – 1979 وی ماوەی دا پیچەكێ یا بزحمەت بوو و هەتا سالا 1980ێ ژی دشێم بێژم و ئەگەر كەسەكی فەرمانا گرتنا وی هاتبا یان ئاشكرا ببا ئەوا دگەهاندە مەفەرەزێن پێشمەرگەی و هاریكاری بۆ دكر.
هەمان پێشمەرگەیێ شۆرشا گولانا پێشكەفتنخواز ئەو ژی گۆت: بیرا من دهێت جارەكێ بەلاڤووك ب دەست مە نە كەفتن ئەز رابووم ب نڤێسینا بەیانەكێ و من كاربوون كرە بن ڤە وی دەمی كاربوون هەبوو و نێزیكی (20) كوپیان من ژێ دروستكرن و ناڤەرۆكێ من وەكی گازیەكێ بوو بۆ خەلكی كو شەرێ ئیراق و ئیرانێ یە و بۆ رژێما بەعس خوە نە دەنە كوشتن و قوربانی بۆ رژێما سەدامی وی ماوەی دا هندەك گەنجێن ژ بەرۆكێن شەری رەڤین ل بەرۆكێن شەری سێدارەدا بوون وێنێ سێپێەكێ من دروست كربوو و ئاماژە من پێكربوو كو خەلكەك دهێتە سێدارەدان ب دەستێ رژێمێ و ئەو بەلاڤووك من ل مزگەڤتا مزیری یا كو دو ناڤ مزگەڤتێ هەبوون هندەكا دگوتێ مزگەڤتا ئێتیتی یا و دیسا ل ئامادەیا برایەتی ژی من بەلاڤكرن و رۆژا ئەینی بوو لەوما من هاڤێـتە مزگەڤتێ چونكە خەلك دێ هێتێ و گوتاربێژێ مزگەفتێ ل سەر مینبەرێ بەحسێ بەلاڤووكان كر و ب منافق ناڤكرین و كەیفا من هات چونكە مەرەم ژ بزاڤا من ئەو بوویە زێدەتر دەنگ ڤەدەت و مامۆستایێ ئاینی دڤیا بێ ئاگەهی یا خوە ژ بابەتی دیار بكەت و مەژی دڤیا پتر دەنگ ژێ بهێت.
هەمان پێشمەرگەیێ شۆرشا گولانا پێشكەفتنخواز ئەو ژی گۆت: ل سالا 1982 ئەم كومەكا هەڤالا بووین(حكمەت، شێخ عەلی، بەهجەت ئاڤدەل، محەمەد سەلیم عەلی جندی، حكمەت مەجید بالەتەی، یونس یوسف، زوبێر مایی) ل گەل چەندین هەڤالێن دی و (تەیار گەرماڤی) ئەو ژی بوون بەلێ ئەو رێكخستنەكا دی تر بوون و مە بەرهەڤی یا خوە دكر ئەم بچین خوپیشاندانەكێ دناڤ باژێرێ دهۆكێ دا بكەین مە بەرهەڤیێن خوە كرن و مە دروشمێن خوە بۆ خوپیشاندانێ نڤێسین و ئەم چەند رۆژ بوو ئەم پێكڤە رونشتین و زێدەتر رونشتنێن مە ل چەیخانێن باژێرێ دهۆكێ بوون و مە ئێك و دو دیت و هەڤالەكێ دی ل گەل مە هەبوو دگۆتنێ (عەباس رێكانی) ئەو ژی هێلەكا دی یا رێكخستنێ بوو و هەمان دەم ئەڤی مرۆڤی هێلەك ل گەل ئەمنێ ژی هەبوو و ئاگەهدار بوو ئەم یێ ڤی كاری دكەین و هندەك هەڤالێن مە دەركەفتن هەڤالێن ئەمنێ(عەباس رێكانی) ئەم ئاگەهدار كرین كو خوە قورتال بكەین و گۆت ئەمنا ل سەر بزاڤ و لڤین و بەرهەڤیێن هەوە ئاگەهدارە بخوە برەڤن و دیاركر كو ناڤێن مە و دروشم و هەر لڤینەكا هاتیە كرن هەر هەمی بۆ ئەمنا دهۆكێ چووینە و خوپیشاندانا مە دژی رژێمێ بوو مە چ داخازی نەبوون و مە دڤیا ل گەل قوتابیێن ئامادەیا برایەتی بزاڤەكێ دناڤ باژێری دا بكەین و لڤینەكی دروست بكەین و شۆرش یا بەردەوام بوو و پێشمەرگەی چالاكیێن لەشكری هەبوون و ئەم ب حزبێ ڤە دگرێدایی بوون لژنا محلی یا شێخان، (مەلا رەمەزان) بەرپرسێ لژنێ بوو8/5/1982 ئەم ژ دهۆكێ رەڤین و پێشمەرگاتی یا من دەسپێكر و ئەم چووینە بارەگایێ لقێ ئێك وی دەمی ل كوماتەی بوو و هێشتا لژنێن مەحلی بارەگا نەبوون و شەرێ پارتیزانی بوو و ئەو هەڤالێن من ئاماژە ب ناڤێ وان كرین مانە ل بارەگایێ لقێ و ئەز و (یونس پێدەی) پشتی نێزیكی هەیڤەكێ ماین ئەم زڤرینە ڤە و لژنا ناوچا شێخان وی دەمی (سلو خدر) بەرپرسێ لژنا شێخان بوو و ئەم ماوەكی ماینە ل گەل لژنێ وی دەمی رێكخراوا (شەهید مەحمود ئێزدی) هاتبوو دروستكرن و ئەم ل گەل وێ رێكخراوێ بووین و دووڤدا هژمارا پێشمەرگەی زێدە بوو و گەلەك رێكخراو هاتنە پێكئینان و پێشتر بتنێ رێكخراوا شەهید (مەحمود ئێزدی) بتنێ ل شێخان هەبوو وی دەمی (مەلا رەمەزان) ژی بەرپرسێ رێكخراوەكێ بوو.
ل دۆر ئێكەم چالاكیا خوە ژی، ناڤبری گۆت: 1983 ئێكەم چالاكی یا من یا پێشمەرگاتیێ راكرنا رەبیا سەرێ باكرمان بوو وی دەمی (شەعبان بێدهی) شەهید بوو و ئەو چووبوونە شەرمن و هێز گەلەك هاتبوو و هێزا ئاكرێ و ئامێدیێ و شەهید ئەعبان ئەو ژی هات بوو و ژڤان بۆ چالاكیەكا بەرفرە ل دەڤەرێ بهێتە كرن و ئەم بووینە دو پشك رەبیا سەرێ باكرمان كو ئەز ئێك ژ ئەواى پێشمەرگەیان بووم پشداربوویم و ئەم شیاین وەربگرین و ب دروستی كارێ ب مە هاتیە راسپاردن بكەین، رەبیا دووێ نەهاتە ستاندن و ئەم چووینە وێرێ ژی بەلێ شەڤ ب سەردا هات و لایێ دی شەهید شەعبان ئەو چوون.
