ژانێن دەمی
مەلەڤان بارانی
ڕوژگار… راستیەکا تەعلە
هەموو سپێدەهیان لەخرینیا
رستکا هیڤی و ئۆمێدێن مە د شکێنیت
ئەم فرشکبوویێن کانییا هیڤیانین
و هەر ڕۆژ ب زلەهێن دەمی گێژ دبین
نە چ سیڤاندە ماینە!
خوە بدەینە بەر و ژ خوەلیسەریێ ڤەشێرین
نە ژی
چ زۆزان ماینە
خوە لێ بەرباکەین و خەمان بڕەڤینین
دوهیێن مە ئاغایێن خوین مێژبوون
ئەڤرویێن مە ژی تێرا ئاغایان ناکەن
شەڤێن مە ….
ئامانەکێ بچویکە بۆ خەم و ئاخینکان
ڕۆژێن مە ژی
دیوانێن مەزنن،
دەنگێ مە ناگەهیتە سەری!
مەژیێن مەژی
یێن بووینە دوهنەکێ رۆن
داس و خەنجەرا پێ دهوسین
خوەزیێن مە پێ د دورین
ئو
برینێن مە پێ داخ دکەن و دکەوینن!
